Protokolli N 49 manno

Jakob Oss Losi wallast wallast ette tulnu, eensaiswa kaibus ette loetu and selle päle wastust, et se piretuse waat halwa te perrast ümbre ollewat lännu, kelle läbbi waat põrrodetus sanu nink selle perrast piretus maha joosknu, ja mitte warrastanu ei ollewat ehk esi kuigi wisi sedda wati riknu .

Kogokonna kohus kaije selle piretuse wadi ülle nink läbbi kaemise man leuti, et üts wits paigast ärra olli ligudedu, nink wadile kats mulku sisse puritu, kohes pulga sisse olnu lödu, kellel sissematse otsa nida kui wastsil wälja näggewa.

Selle päle es ütle kohtun käuja ennamb middagi ütlemist ollewat, sis

Mõisteti

et Jakob Oss peap Laswa mõisa walitsusele selle maha joosknu pirituse est pool sellest kahjost, s.o. 7 rubl. hõbb. 6 nädali sissen a dato sellest kohtu otsuse kindmas jämisest ärra masma, kunna se waat ka jobba päle pandmise man mädda om olnu nink keldren witsatedus sanu, ja se waat jääp ka mõisa walitsuse ommanduses.

Se kohtu otsus saije kohtun käujile kulutedus nink tall. rahw. säd. ramt. 1860 aast. §§ 773, 774 perra ärra selletedus nink § 881 perra opus leht wälja antus.

Päkohtumees Jaan Liiw XXX

Kohtumees Jakob Pirisild XXX

        "            Peter Truup XXX

Kirjotj.: J.Kirrop