Kasper Wallner kaibas: "Karl Akkermann, rätsep, tulli minno mannu nink tahtse mittu kõrda minno poiga Tohwret henda manno oppipoisis, minna es tahha eddimalt anda, ent perrakõrd andse minna siski omma poja Tohwre Karl Akkermanni mannu, enge 7 1/2 näddala perräst tulli minno poig ärra koddo ja ütles, et Karl Akkermann temma ärra ollew ajanu. Meil olli aasta päle lepping tettu.

Karl Akkermann kostis: "Minna wõtse Tohwre Wallneri henda mannu ennegi proowi päle, ent et temma mitte selle rätseppa ammeti päle kõlblik es olle, olle minna selleperrast tedda ärra ajanu. Tohwer Wallner olli ennegi 7 1/2 näddalit minno man teenistusen. Se pois Tohwer trotsis minno ütskord nidate: Sinno silm joosep mätta, ni kui Tõnnise tütre perse."

Tohwer Wallner kostis: "Se ei olle mitte õige, et minna Karl Akkermanni trotsnu olle, ent Karl Akkermann ütles kül minnole neid sammu sõnnu, mis Karl Akkermann minno ülle kohtu een sisse om kaiwanu."

Otsus.

Karl Akkermann peab Kasper Wallnerile selle 7 1/2 näddala eest 'a 50 Kop. teeb 3 Rbl. 75 Kop. ärra masma. 

Pääkohtumees: Märt Lüüs XXX

Kohtumees: Peter Treumuth XXX

  "  Juk Hansi XXX

  "  Karl Wernik XXX

  "  Rein Mendik XXX