Michel Markwart, walla wöörmunder, kaibas: "Sel 2. Julil sõitse minna Jaan Zeijeriga, Linnert Lippartiga, Karl Rätseppaga ja Johann Aindiga kohtu maja mant koddo pole, ent kui meije sinna kotsile saime, kos Linnert Lipparti tee ärrakänab, sis wõtse Linnert Lippart ohja harru ja käändse hobbese risti nissu nurme sisse, ja kui minna Linnert Lippartile ütli, mis temma hobbese nissu ajas, sellepäle wõtse Linnert Lippart ütte puu nink tahtse minnole sellega lüwwa, ent perrakõrd wõtse temma minno kalast kinni nink lei 3 ehk 4 kõrd minnole pähhä ja wõtse minnu kübbara pääst ärra, ja läts ärra koddo pole. Wankrin istse minna Lipparti kõrwal ja minnol olli särgi taskun ütte wäikese punga sissen 150 Rbl. rahha üts 100 rublalinne ja kats 25 rublalist, kui minna omma koddo sõitse sis lõidse minna, et se rahha 150 Rbl. kige pungaga taskust ärra kaddunu olli."
Karl Rätsep (Lutteri usku) andse nidate tunnistust: "Meije istseme wijekese Jaan Zeijeri wankride pääl ja sõitsime koddo pole; kui meije sinna kotsile saime, kos tee Lipparti tallo ärra känab, sääl wõtse Lippart ütte ohja harro ja ajas hobbese nissu põllu sisse, selle päle ütles Jaan Zeijer Lippartile, mis temma hobbese põllu sisse ajab, seni olli Michel Markwart wankrist mahha karranu ja ütles Lippartile: Hobbest minna ommetegi sinnul nissu ajada ei lasse, sis wõite sinna meid perrakõrd kiusata. Sellepäle wõtse Lippart ütte puu nink ähward Markwarti sellega lüwwa, ent perrakõrd wiskas temma se puu mahha ja kui Markwart jobba jälle wankrin istse, sis wõtse Lippart Markwarti kinni ja lei temmale mõnni 3 kõrda pähha ja wõtse Markwarti kübbara ärra ja wei koddo. Iwaski tallo kotsil läts Michel Markwart wankrist ärra mahha koddo pole minnema ja Zeijer, Johann Aind nink minna sõitsime eddesi."
Johann Aiind (Lutteri usku) andse nidasammoti tunnistust, kui Karl Rätsep om tunnistanu.
Pääkohtumees: Märt Lüüs XXX
Kohtumees: Peter Treumuth XXX
" Juk Hansi XXX
" Karl Wernik XXX
" Rein Mendik XXX
Michel Markwart, walla wöörmunder, kaibas: "Sel 2. Julil sõitse minna Jaan Zeijeriga, Linnert Lippartiga, Karl Rätseppaga ja Johann Aindiga kohtu maja mant koddo pole, ent kui meije sinna kotsile saime, kos Linnert Lipparti tee ärrakänab, sis wõtse Linnert Lippart ohja harru ja käändse hobbese risti nissu nurme sisse, ja kui minna Linnert Lippartile ütli, mis temma hobbese nissu ajas, sellepäle wõtse Linnert Lippart ütte puu nink tahtse minnole sellega lüwwa, ent perrakõrd wõtse temma minno kalast kinni nink lei 3 ehk 4 kõrd minnole pähhä ja wõtse minnu kübbara pääst ärra, ja läts ärra koddo pole. Wankrin istse minna Lipparti kõrwal ja minnol olli särgi taskun ütte wäikese punga sissen 150 Rbl. rahha üts 100 rublalinne ja kats 25 rublalist, kui minna omma koddo sõitse sis lõidse minna, et se rahha 150 Rbl. kige pungaga taskust ärra kaddunu olli."
Karl Rätsep (Lutteri usku) andse nidate tunnistust: "Meije istseme wijekese Jaan Zeijeri wankride pääl ja sõitsime koddo pole; kui meije sinna kotsile saime, kos tee Lipparti tallo ärra känab, sääl wõtse Lippart ütte ohja harro ja ajas hobbese nissu põllu sisse, selle päle ütles Jaan Zeijer Lippartile, mis temma hobbese põllu sisse ajab, seni olli Michel Markwart wankrist mahha karranu ja ütles Lippartile: Hobbest minna ommetegi sinnul nissu ajada ei lasse, sis wõite sinna meid perrakõrd kiusata. Sellepäle wõtse Lippart ütte puu nink ähward Markwarti sellega lüwwa, ent perrakõrd wiskas temma se puu mahha ja kui Markwart jobba jälle wankrin istse, sis wõtse Lippart Markwarti kinni ja lei temmale mõnni 3 kõrda pähha ja wõtse Markwarti kübbara ärra ja wei koddo. Iwaski tallo kotsil läts Michel Markwart wankrist ärra mahha koddo pole minnema ja Zeijer, Johann Aind nink minna sõitsime eddesi."
Johann Aiind (Lutteri usku) andse nidasammoti tunnistust, kui Karl Rätsep om tunnistanu.
Pääkohtumees: Märt Lüüs XXX
Kohtumees: Peter Treumuth XXX
" Juk Hansi XXX
" Karl Wernik XXX
" Rein Mendik XXX
