Selsamal paiwal 14 augustil 1885

Wöörmünder Peter Haidak kaibap et temma pakohto mehega wõlla walla riismisse perrast Peter Kriwa pole oma länu nink utte ellajat ärä tahtseme pantid sis tehtse Peter Kriwa waitse mes ta wallale wõtse nink ähwart sellega sisse luwa, nõuwa et tema selle ahwartusse eest sääduse perralisse trahwiga trahwitus saap. -

Peter Kriwa utles et ma kül keeli oma ellajat pantmast selle et ma teedse et mul wõlga es olle ent se wats olli mul se tarvis wallale et ma om zuuga parranti ent sisse lasmist ma mitte es ähwarta. -

Päkohto mees Sing utles et Peter Kriwa om uttelnu Peter Haidakule kes karja aida tahtnu minna ja wotnu wäitse wallale kes riisma tullep seda ma lahu se päle kelli ma Haidako ärä nink latsime kullast abbi otsma ja Mihkel Loks nink Johan Kriwa abbis saijewa toodus sis andse Peter Kriwa se nõuwetud raha nink jättime rahu. -

Otsus  Päkohto mehe tunnistusse päle et Peter Kriwa seda oma ähwartanu ja palja waitsega Haidakule sisse lubbanu luwa kui keake riisma tullep. Sadap se kogo kona kohus selle protokolli Keiserliko Ma Kohto katte selle palwega et Keiserlik Kohus seda asja kohto kuulamisse alla wottas nink Peter Kriwat selle habbematta teeo eest säädusse perra trahwis muido ei woi ennamb wald wallitus saada.

Ääremärkus: Erra kiri sel 21 augustil