Selsamal päiwa 14 augustil 

Johan Piho kaibas et need samma tema rehhe tabba maha murtnu kos temal willi sissen olnu mes teedmatta kas naad ka seda warrastanu olliwa wai mitte ent tuntus et üts kabbel ärä woetud nink ka tuld rehe al oma prugnu nouwa et naad selle eest saadusse pera trahwitus sawa. -

Jaan Hindrikson nink Jaan Tarwas utlesse seda oige ollewat et nema seda oma tennu se kabla mehitse taka ajast wälja kandmisse päle wotnuwa nink tult kapla otsmisse tarwis pruugnu ent wilja mitte wotnuwa. -

Moistetud et nema essi seda teggo oiges oma tunnistanu sadap se kogo kona kohus se prottokolli nink ka ütten need samad wangit Keiserliko Ma Kohto katte selle palwega et Keiserlik Kohus neid saadusse perra trahwip nida kui luku murtjetega tetta tullep. -

Kaibaja Piho andes lubbanu kui naad 20 witsa loogiga trahwitus sawa mes ka Jaan Hindrekson nink Jaan Tarwas rahoga wasta lubbawa wotta. - 

                                Kohto wannemb Peter Sing

                                Kohto mees Johan Keerd

                                Kohto mees Johan Kurwitz  XXX

                                            Kirjotaia S Härms