Selsammal päiwal 18 september 1885

Hindrek Kik kaibap et tema naise tutre mees, Jaan Matzin mitte tema ellost nida kui jo walla wallitsus J. Masik nink kohtomees Keerd otsusses tegewa et ta minno ellost piddi ärä minnema ent taambani mitte länu   nõuwa nüüd et ta een tullewa Jurri päiwa minno ellost peap kassima nink ka need hoonet mes ta sinna päle teggi ärä wiima. -

Jaan Matsin antse selletust et temma kül sis ärä lääp kui Hindrek Kiik temale 5 aasta tennistusse 100 rubla aastas ärä massap selle et ta minno jo oma platsi nink honete perrias wõtse mes päle ma ka tulli.

Hindrek Kiik antse selletust wasta et ta tedda teendres ei olle tarwitanu konna ma essige weel muid orja nink sest Vessatina alla maast mul essige midagi tetta ei olle. -

Moistetud: Hindrek Kiik kellel kiges 3 waka maad om ei olle ta konagi Matsinat hendale teendres palganu, mes ka woimalik ei olle selle maa päält nink selle töö eest palga massa

Otsus  Peap Jaan Matsin 23 aprilil 1886 Hindrek Kiga korterist ärä minnema nink ka ne kats honet mes Matsin päle om tennu ärä wiima.  - Ent palga nõudminne mitte kuuluw.

Otsus § 773 ia 774 pera kuulutetu.

Ääremärkus: Opus leht antud.