Ann Zillmer, Hans Laasi tüttar, kaibas, et temma mees, Karl Zillmer, tedda mittukõrda pesnu om, ni kui nüüd sel 9. Junil pesse temma minno ilmsüüta nink kiskse minnol pääst paljo hiusid wälja. Karl Zillmer om minno mõnni 10 kõrd pesnu, ni et minnol üttegi ellokõrda minno mehhe man ei olle. 

Karl Zillmer kostis: "Minno naine Ann lei minnole tooliga pähha nink sellepäle lei minna temmale reddeli warwaga paar kõrda, nink üts tõine kõrd lei minna ka minno naist, ent hiusist ei olle minna tedda mitte kaknu. Minna omma naist Anne ennamb henda manno ei wõtta, meije ei sünni sukkuki kokko."

Tunnistaja Juk Arro andse omma naise Marri assemel nidate tunnistust; et Karl Zillmer ollewat omma naist armetu wiisil pesnu nink kui Marri Arro om Karl Zillmerile appi lännu, sis ollewat Karl Zillmer ka Juku naist paar kõrda löönu, ni et temma nüüd weel haige koddon om.

Pääkohtumees: Märt Lüüs XXX

Kohtumees: Peter Treumuth XXX

  "  Juk Hansi XXX

  "  Rein Mendik XXX