Saeorra Werdi Treumuth kaibas: "Hiskias Tamberg om ülle minno hainamaa ommi hobbestega omma hainamaa päle lännu, ni et nüüd üts tük nüüd minno kigeparrembast hainamaast ärra sõkkutus om sanu, et kül minnol kõrwalt üts lähhemb tee temma hainamaa päle jättetu olli."

Hiskias Tamberg kostis selle kaibuse päle nidate: "Säält kos minna hainateggemisse aigu ülle Saeorra hainamaa omma hainamaa päle olle sõitnu, om enne sedda ka käutu, ent se tee, mis Wärdi Treumuthil jättetu om, om likke, ni et hobbesega mitte läbbi ei wõi saada."

Wöörmünder Jakob Hermlin ja kohtumees Rein Mendik, kes sedda hainamaad ülle omma kaenu, tunnistiwa, et sedda kahjo ennamb nätta ei olle wõinu, selleperräst et  hain ärra nidetu om olnu, nink om sedda teed mööda, mis Wärdi Treumuth jätnu, parremb Hiskias Tambergi hainamaa päle saada, kui jõe weerd mööda Werdi Treumuthi hainamaa ülle."

Otsus.

Hiskias Tamberg peab sedda teed mööda omma hainamaa päle minnema, mes sinna om jättetu, nink kos Hiskias Tamberg  ka wähhemb maad ülle wõera hainamaa minna om. Werdi Treumuth ei saa üttegi kahjotassomist, sest Jakob Hermlini ja Rein Mendike wäljaütlemisse perra ei olle sedda kahjo ennamb tunda olnu.

Neile kohtonkäujatele om ka ne L. T. S. §§ 772 ja 773 ette loetu. Werdi Treumuth ei olle selle kohtomõistmisega mitte rahhul, enge tahhap surembat kohhtu käwwa; Werdi Treumuthile om sel. 12. Augustil c. Appellationtäht wälja antu. 

Pääkohtumees: Märt Lüüs XXX

Kohtumees: Peter Treumuth XXX

  "  Juk Hansi XXX

  "  Rein Mendik XXX