Eduard Wunk kaibas: "Minno perremees Hans Hinn käskse minno mittu kõrda henda mant ärra, nink üttel poolpäiwal käskse temma minno jälle ärra minna nink lei minno mittu kõrda ja pitsitas minno kaalast, selleperrast, et kutsik ärra olli koolnu nink temma sedda minno süüs arwas."

Hans Hinn kostis nidate: "Minna käskse poolpäiwa hommukul Eduard Wunkil minno ärra koolnut kutsikut ärra mõtsa wija, ent Eduard Wunk es wee mitte, ent ütles: mes sinna tattitate. Mõtsan wõtse Eduard Wunk ütte kurrigu nink perrast ratta rungi ja tahtse minno lüwwa, ent minna wõtse Eduard Wunki käest ärra nink es lasse mitte lüwwa; lönu ei olle minna tedda mitte."

Johann Kübbar andse nidate tunnistust: "Minna sedda mitte nännu ei olle, et Hans Hinn Eduard Wunki olles lönu, ent Hans Hinn wõtse kül Eduard Wunki käest kinni, kui temmal puu säljan olli nink sellega wistist Hans Hinnile lüwwa tahtse, sis ajas ka Hans Hinn Eduard Wunki kaala külge, ent kas Hans Hinn ka Eduard Wunki kaalast pitsitas, sedda minna ei tija."

Nemma leppisiwa siin kohtu een ärra. 

Pääkohtumees: Märt Lüüs XXX

Kohtumees: Peter Treumuth XXX

  "  Juk Hansi XXX

  "  Karl Wernik XXX

  "  Rein Mendik XXX