Wana Koiola kohto majan sel 2 oktobril 1885

Mann olliwa kohto wannemb P. Sing

                      kohto mees J Keerd

                          "      "         P Lauk

                          "     "          J Tobrelutz

N 484  Tunnistaja tolle ajane walla wöörmundre Peter Sau utles et kui temma utskord walla paraha sundman känu sis neid essa Jaan Semm es lubba temma p. Karli  eest mitte päraha massa selle et ta jo neist ärä om länu ja lubbanu ütte lehma ja lamba nink ütte zea warrantusse.

Welli Peep ütles et temma essa surma man om olnu konna Karl sel kõrral Kreissi turmin olli küsse ma essa käest et mes ka Karlile jaos lubbat kes ütles et ta minno sõnna ei olle kuulnu nink minnost ärä länu ei lubba ma ka temmale middake. -

Jaan Kärik tunnist et kadonu Jaan Semm üts kõrd temmale üttelnu mõnni aasta taggasi et ta teep kik poja ütte hääs. -

Welli Peep utles et ta midake ei nõuwa na oma jo essi henda waije oma warra ärä selletanu ni samma ka sossar Katre. -

Kik kolm welle essi anniwa ülles mes neid warrantus sel kõrral olli kui essa olli mes kohto poolt ei olle tettu

2 hobbest   120 rbl                                                                1 wak lina sement  4 rbl

6 toprast      90   "                                                                 3 wak keswi  -        6  "

4 lamast        12   "                                                                 12  "   karo   -         18  "

4 ziga    -       20  "                                                                  2 motu tatregu      2  "

1  wangri        40  "

1 wana wanger 5  "

2 raud regge    4  

2 taose kige     6

2 atra      -        3

1 lina masin     30

2 padda  -         3

2 waikkatit        1

10 kotti   -         3

kapstordo         2

uts wask passel 3                                                                            Summa  342

Konna Jaan Semm essi akti perremees om ei olle maja saamisse ülle welletel midake õigust. 

Se welletest ülles antu warrantus kõigelt õige ütteltud ollewat.

Moistetud: Se warantus 342 rubla 3 perria päle ärrä jaetud ni et egga perria 114 rbla saap.

Otsus: Welli Peep kes oma jao jo ärä utles sanu ollewat nink midake ei nõuwa ent welle Karlile peap Jaan Semm 10 januaris 1886 57 rubla nink 10 januaris 1887 jälle 57 rubla wälja.

Kohto käüjile otsus § 773 ia 774 perra kuulutetu.