Selsammal paiwal 2 oktober 1885

Johan Meeri kaibap et temmal Reinhold Sandra käest Lutsu weski ehitamisse raha 34 rbl 64 kop saada om mes eest ta 45 rbla piddi sama ent ennege 11 r 36 kop sanu olle.

Reinhold Sandar ütles et se to kogoni temmale ei puttu selle et weski piddaja Johan Leotootz essi se too minno käest ärä wõtse nink ka kigele töö mehile piddi wälja masma. 

Johan Leotootz utles et seda ka temma tennu om et ta egale töö mehele ärä om masnu. 

Ni et Johan Meeri se puu tö henda päle om wotnu walmis tetta ent mitte tennu ni et ma sest leppitud 40 rublast ärä olle masnu Johan Merrile 11 rbl 36 tema abbi to mehe Johan Mattule. - 16 rbl 36 kop nink se teggematta töö eest mes ma neide toost piddi teggema 14 rubl sis ei olle mul Johan Merrile ei ka Sandrale midake massa. -

Johan Meeri utles et temma Johan Mattu abbilisest ei olle kaubelnu sis ei woi ka keege temma palgast seda massa.  Johan Meeri kaest sije küssetus kas Matt temal abbis tööd teggeman om olnu kes utles et ta kül 16 paiwa töön olnu. - ja ka sellega mitte rahu ei woi olla et se ütte poole roowmisse eest 14 rubla maha saap arwatus. -

tunnistaja Johan Lutsar utles et weski perremees Johan Leotootz Sandraga tüllinu et weski mitte talwes walmis ei saa sis om Sandra se to kik Leotootz kätte ärä andnu selle et temma meistre tarmini tööd ärä ei olle tennu nink se hind ka hendale pitta mes neid too eest weel sissen om nink peab ka se puuduw töö weel ärä teggema.

Moistetud: Et Johan Meri se tö tükki wiisi tetta om wõtnu nink mitte ärä tennu ja ka teggemisse hina tettu too eest ärä om sanu.

Otsus: Johan Meri kaibus pohjusteta loitu ollewat nink tuhjas arwatud. -

Otsus § 773 ia 774 perra kuulutetu.

                          Kohto wannemb Peter Sing

                          Kohto mees    Johan Keerd

                              "       "        Johan Kurwitz

                                             Kirjotaia S Herms

Ääremärkus: erra kiri sel 10 oktober