Waimala walla mees Peter Kristowing tulli ette nink tõst Laswan ollewa innemise Karl Kübbara päle, et se ollewat temma karjust ütte palmito piitsa warrega 5 kõrd lönu, kelle ülle töine karjus Jakob Sussi tunnistada woiwat, nink pallel selle eest temmaga säduse perra tallitada.

Karl Kübbar selle kaibuse päle ette kutsutu salgas kogonist ärra, temma karjust lönu ollewat, enge ollewat kül tedda tõrrelnu, selle perrast, et 8 zigga temma wiljan olnu.

Jakob Sussi ette tulnu and tunnistust, et Karl Kübbar tõtteste 5 kõrd ütte palmito piitsa warrega sedda tõist karjust lönu ollewat.

Selle päle es ütle kohtun käuja ennamb middagi ütlemist ollewat, sis

Mõisteti

et Peter Kristowing selle asja ülle ütteke selget tunnistust ett es sa tuwwa, pälegi mitte üttegi ametimehele sedda lömist näudanu, sis es woi ka selle asja ülle middagi mõista.

Selle kohtu otsus saije kohtun käujile kulutedus nink Tall. rahw. säd. ramt. 1860 aastast §§ 773, 774 perra ärra selletedus nink § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

      "             Peter Truup XXX