Pindi mõisa monamees Johann Orri tõst Laswa mõisa kubbija Johann Helleri päle kaibust, et ollewat minnewa aasta ütte ütte rawwaga püssi temma käest lainanu, wärt 7 rubl. ollewat, et Johann Heller nüüd se püssi ärra päetanu ollewat, nink nõwwap selle eest 7 rubl. kahjo tassomist.

Johann Heller ette tulnu and selle päle wastust, et temma kül Johann Orri käest se püssi wõtnu ollewat, mes perrast temma tarrest ärra ollewat warrastedu wärt 1  1/2 rubl. ja Pindi mõisa walitsus ollewat jobba temma palgast 7 rubl. kinni pandnu selle püssi eest.

Selle päle es ütle kohtun käuja enemb middagi ütlemist ollewat, sis

Mõisteti

et Johann Heller peap selle ärra kadonu püssi eest Johann Orrile 3 rubl. hõbb. kahjo tassomist 14 päiwa sissen a dato sellest kohtu otsuse kindmas jämisest ärra masma, ent Johann Heller woip omma palga kinni pandmise perrast selle palga ülle Pindi mõisa walitsuse ülle kaiwataw kon sädus kässep.

Se kohtu otsus saije kohtun käujile kulutedus nink tall. rahw. säd. ramt. 1860 aast. §§ 773, 774 perra ärra selletedus nink § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

       "            Peter Truup XXX

Kirjotj.: J.Kirrop