Ette tulli Laswa mõisa mona mees Karl Land nink tõst selle mõisa wallitseja Tõnnis Jams päle kaibust, et se ollewat temma naist ilma süta lönu, et se sama selle perra nüüd kik se süggus põddewat nink pallel selle pesmise eest eest selle wallitseja Tõnnis Jamsi käest 100 rubl. hõbb. terwise rikmise eest kahjo tassomist wälja sundi massa laske; kelle ülle Jakob Engelberg, Tannil Wiks ja Jakob Harrak tunnistada woiwat, kui ka kreistohtrelt läbbi kaemise täht.

Jakob Engelberg and selle asja ülle tunnistust, et temma sedda lömist mitte nännu ei ollewat, enge Karl Landu naine ollewat wallitsejat kurradi mulgis sõimanu, kelle päle walitseja tedda rükki päle maha ollewat tõuganu, nink perrast rehe alt wälja tõuganu.

Tannil Wiks ette tulnu and selle asja ülle tunnistust, et temma lömist mitte nännu ei ollewat, enge Karl Landu naine ollewat walitsejat kurradi mulgis sõimanu, kelle päle walitseja selle naise rükki päle maha tõuganu, nink perrast sedda rehe läwwest wälja tõuganu.

Et Tõnnis Jams täämba mitte siin es olle, sis es woi selle asja ülle weel middagi mõista nink saiwa sel 8 Nowembril s.a. ette kutsutus, nisamma ka tunnistaja Jakob Harrak.

Päkohtumees Jaan Liiw XXX

Kohtumees Jakob Pirisild XXX

      "              Peter Truup XXX

Kirjotj.: J.Kirrop