Wallawannemb Johann Zimmer kaibas: "Viktor Zimmer ja Linnert Junn omma minnewa Suwwiste Pühhal kolitarre palwussele lännu, Viktor Zimmeril om kassuk säljan olnu nink kammitse tük wöös pantu, ülleüldse mõllemba narri wisil palwussele lännu, nink sääl narri wiisil hennast üllespiddanu."

Dora Zimmer (Lutteri usku) andse nidate tunnistust: "Minna seda mitte nännu ei olle, et Viktor Zimmer ja Linnert Junn palwusse ajal kolitarren hennast mitte sündsal wiisil es olles piddanu, perran palwust näggi minna kül, et Viktor Zimmeril üts kassuk säljan olli. Linnert Junni es näe minna mitte sel kõrral."

Ann Elstein, pääkolin käumata, andse nidate tunnistust, kui Dora Zimmer om andnu.

Viktor Zimmer (Lutteri usku) kostis selle kaibuse päle nidate: "Minna käwwe kül minnewa Lihhawõtte Pühhil Kauksi kolitarre man nink olli minnol sis kassuk säljan, ent minna ei tija mitte, et minna sel kõrral olles wasta sädust üllespiddanu. Suwwiste pühhal minna mitte kolitarre man es käu."

Linnert Junn (Lutteri usku) kostis: "Lihhawõtte Pühhil Viktor Zimmer mitte kolitarre man es käu; minna mitte narri tempu kolitarre man ei olle tennu, ei olle minna ka nännu, et Viktor Zimmer sedda olles tennu."

Pääkohtumees: Märt Lüüs XXX

Kohtumees Karl Wernik XXX

  "  Juk Hansi XXX

  "  Rein Mendik XXX