Ette tulliwa Magnus Pirisild nink Johann Telk ja kaibsiwa perremehe Jaan Eiche päle, et nemma sellele ütte aida ehitanu ollewat, nink weel selle eest 23 rubl. 20 kop. palga raha sada, ja mitte ärra ei maswat, kellest Pirisild 17 rubl. 10 kop. ja Telk 6 rubl. 10 kop. selletamise perra peap sama, nink palsiwa sedda raha temma käest sisse nõuda.

Omma haige mehe Jaan Eiche eest tulli temma naine ette, nink ütlep tõtte ollewat, selle aida teggemise eest weel 23 rubl. ja 20 kop. masmata ollewat, nink pallel sellega weel kannatada, et nüüd raha ei ollewat.

Selle päle es ütle kohtun käuja ennamb middagi ütlemist ollewat, sis

Mõisteti

et Jaan Eiche peap se weel pudus aida ülles ehitamise raha 23 rubl. 20 kop. Magnus Pirisillale 17 rubl. 10 kop. ja Johann Telk 6 rubl. 10 kop. nüüd koni 2 Webruarini 1877 aastal a dato sellest kohtu otsuse kindmas jämisest ära masma.

Se kohtu otsus saije kohtun käujile kulutedus nink tall. rahw. säd. ramt. 1860 aast. §§ 773, 774 perra ärra selletedus nink § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

      "             Peter Truup XXX

Kirrotj.: J.Kirrop

3 rubl. 50 Cp. Magnus Pirisild ärra sanu.