Wana Koiola kohto maian sel 22 januar 1886.

Man olliwa kohto wannemb Johan Pihho

                   kohto mees        Johan Kottisse 

                        "        "           Peter Rautsep

Josep Iwason Rassinalt tulli ette ja kaibap et temmal Lutsu kortsin kos minno pittisse kommel sisse om kutsutud nink teda õllega kas wiina wai muud sisse olli pantud ni et ma silma pilg ni purjo olli sanu et ma hendast arwo es saa ja sis minnol 23 r 15 kop ärä olli rööwitud nouwa et kortsimees Johan Leotootz minnole se kahjo ärä tassop seperrast et taa minno omast korterest nimelt se tarwis kortsi laske kutsu toiselt et ta minno oma ollega kes ma määrastke snapsi es jo ni purjo teggi nink kolmantalt et minno kui ta nägi et ma jo ni purjon olli et ma hendast arwo es sa oma kutsmisse alla piddi wotma ja minno kutsma.

Johan Leotootz utles et ma teda kül selle koira purremisse perrast sisse lassi kutsu kos ta mõnne klaasi ollut anni ja ta sis ni purjo jäije ni et ta wälja latse kos ta maha om jänu ja se päle üts Moisekatze mees Peter Muller teda ärä om winud, mes ma enne kuuli ent tema rahast ei tija ma midake uttelda kas temal seda olli wai mitte. -

Moistetud: Et assi awalik om et kõrtsi mees Johan Leotootz Josep Iwasoni kortsi om lasknu kutsu mes ta ka essi wälla üttelnu ja oma antud õllega ilma hinnata teda purjo om pantnu ja teda mitte kui ta nagi et ta hendast mitte arwo ei saa oma kutsmisse alla ei olle wotnu.

Otsus.  Massap Johan Leotootz se kaonu raha 23 rbl 15 kop Josep Iwansonile 14 päiwa sissen wälja. -

Otsus § 773 ia 774 perra kuulutetu. -

Johan Leotootz ei olle selle otsussega rahu.

Ääremärkus: erra kiri sel 27 januar.

                       toine erra kiri sel 26 jaan.