Karl Saar, Karrolast, kaibas: "Minna leppisi 6 aasta eest henda Peter Kannukenne mannu sullases nink sai sis palga päle 3 Rbl. zuwwarahha leppitus, mis agga nüüd weel minnole ärra ei olle mastu, nink 2 Rbl. palgarahhast om ka minnol Peter Kannukese käest saada, üttekokko 5 Rbl."

Peter Kannukene kostis selle kaibuse päle nidate: "Minnol Karl Sarele mitte zuwwarahha leppitu ei olle nink olle minna ka Karl Saarele kiik palga käte andnu, meil olli wiljapalk leppitu. Tullewa kewwade 8 aasta eest olle minna Karl Saar henda mannu leppinu."

Tunnistaja Hindrik Kark, Karrolast, andse nidate tunnistust: "Kewwade saap 8 aastad kui se lepping Peter Kannukese ja Karl Saare wahhel olli, ent minna ei mälleta ennamb middagi kuis se teenistusse lepping sis olli tettu nink ei tija minna selle ülle middaki tunnistada."

Otsus.

Kui nüüd se nõudminne üts ni wanna olli nink üttegi tunnistust selle leppingu ülle ei olle, om se koggokonna kohhus sedda Karl Saare kaibust tühjas arwanu.

Neile kohtunkäüjatelle omma ka ne L. T. S. §§ 772 ja 773 ette loetu; Karl Saar ei olle selle kohtumõistmisega mitte rahhule, enge tahhap suurembat kohhut käwwa; temmale om ka sel 9. Decembril c. Appellationtäht wälja antu. 

Pääkohtumees: Märt Lüüs XXX

Kohtumees: Peter Treumuth XXX

  "  Juk Hansi XXX

  "  Karl Wernik XXX

  "  Rein Mendik XXX