Ette tulli Laswa walla wannemb Michel Tarro nink tõst perremehe Andre Truba ja Peter Truba päle kaibust, et ne mitte suggugi sõnna ei kuulwat ei käsko ei täutwat, ni kui Laswa koli maja tarwis mitte palke ei weddawat, ja pallel kogpkonna kohut, neile kulutada et nemma palgi ärra weddawa, wastatsel kõrral neide kullu päle ne ärra sawa lastus wetta.

Selle päle anniwa eennimitedu perremehe ette kutsutus anniwa wastust, et näil neid kolimaja palke mitte õigus weddada ei ollewat, kunna nemma wenne usku omma.

Wallawannemb and ülles et näil omma ostmise kontraht sedda tunnistada nink pälegi wakka ma tallo piddaja.

Selle päle anniwa perremehe Andre Truup ja Peter Truup ülles, et nemma ilm wasta pandmata nink hä melega neid laswa kolimaja palke ärra tahtwa weddada.

Mõisteti

et perremehe Andre Truup ja Peter Truup esi hä melega neid Laswa kolimaja palke ilma wastapandmata ärra omma lubbanu weddada, sis neid se kõrd ilma trahwita wallale laske.

Päkohtumees Jaan Liiw

kohtumees Jakob Pirisild

Andre Truup

Peter Truup