Kae Protokoll No 5.
Jaan Kult astus kohto ette nink kostis nidate: "Pisso kõrtsimees Johann Kallion jootse minno ütskõrd omman keldren nink küssis minno käest, kes Johann Zimmeri hobbese (märra) ärra om warrastanu, ent minna ütli, et minna sellest keige wähhembat ei tija. Tõine kõrd küssis Johann Kallion jälle minno käest selle Johann Zimmeri hobbese warguse perrast, sis wastutasi minna sellepäle: "Se wõi Johann Zimmeri märrale päitse pähha ajanu ollewat, kellel kats uuri kaalan om." Sellega es tahha minna üttegi nimmitada, sest minna ei tija sellest wargussest middake. Se om wõls, et minna Hauka Rein Libeoni wankri wargussest kellegile kõnnelnu olle, sest kuis minna selle ülle olles kõnnelda wõinu, kui minna sellest keige wähhemb middake tija." Jaan Kult kostis ka, et se hobbese warras sääl pool om, käega Wanna Anzla walla Kobbela külla pole näidaten, kun se pois Jaan Sarrik ellab.
Wöörmünder Peter Hinn ja Michel Markwart tunnistasiwa, et Karl Kallioni naine Marri, kes haigusse perrast kohto ette mitte tulla es wõi, neile tunnistanu om, et temma kuuldnu ollewat kui Jaan Kult om üttelnu: "Se katte uuri mees, Jaan Sarrik, om Johann Zimmeril warrastedu märra hobbesele päitse pähha ajanu."
Samul Zimmer ja kohtomees Juk Hansi tunnistiwa ka, et Jaan Sarrikel Krawi laade ajal wistist kats uuri kaalan om olnu.
Karl Kallion kostis: "Kärike Samul Kult, Pisso Jaan Kulti welli, ütles minnole enne Talwiste pühhi 2 näddalat nelja silma al: "Kes Johann Zimmeri hobbese wargusse ülle middake wälja kõnneleb, selle maja saab ollipritsega ülle zingutus nink pallama pantus, olge teije siist poolt, meije olleme säält poolt essigi mehhe."
Johann Kallion kostis, et se om wõls, et temma Jaan Kultile olles keldren wiina andnu.
Tunnistaja Peter Wärnik kostis: "Minna olli sel kõrral jobunu nink ei tija mitte mis sel kõrral Pisso kõrtsin kõnneldus om sanu."
Tunnistaja Jaan Mõttus andse nidate tunnistust: "Jaan Kult ütles Johann Kallioni nõudmisse päle nidate: "Se wõise Johann Zimmeri hobbesele päitse pähha ajanu ollewat, kellel kats uuri kaalan om." Ent nimme es nimmita Jaan Kult mitte. Muud ei olle minna middake ennam kuulnu."
Tunnistaja Hans Möldre andse nida sammute tunnistust kui Jaan Mõttus om tunnistanu.
Jaan Sarrik kostis selle kaibuse päle nidate: "Se om wõls, et minna Johann Zimmeri hobbesele Jundi tallon olles päitse pähha ajanu ehk warrastanu, ent minna olli Krawi laade kubjas (turru kubijas) pantu nink olli minna kik se Laade aig Krawil platsin, sedda wõiwa tunnistada: Kusta Eisler, Peter Järlik, Karl Uddras ja Jaan Puk, kumma selles 27. Januaril kohto ette tallitada omma.
Pääkohtumees: Märt Lüüs XXX
Kohtumees: Peter Treumuth XXX
" Juk Hansi XXX
" Karl Wernik XXX
" Rein Mendik XXX
Kae Protokoll No 5.
Jaan Kult astus kohto ette nink kostis nidate: "Pisso kõrtsimees Johann Kallion jootse minno ütskõrd omman keldren nink küssis minno käest, kes Johann Zimmeri hobbese (märra) ärra om warrastanu, ent minna ütli, et minna sellest keige wähhembat ei tija. Tõine kõrd küssis Johann Kallion jälle minno käest selle Johann Zimmeri hobbese warguse perrast, sis wastutasi minna sellepäle: "Se wõi Johann Zimmeri märrale päitse pähha ajanu ollewat, kellel kats uuri kaalan om." Sellega es tahha minna üttegi nimmitada, sest minna ei tija sellest wargussest middake. Se om wõls, et minna Hauka Rein Libeoni wankri wargussest kellegile kõnnelnu olle, sest kuis minna selle ülle olles kõnnelda wõinu, kui minna sellest keige wähhemb middake tija." Jaan Kult kostis ka, et se hobbese warras sääl pool om, käega Wanna Anzla walla Kobbela külla pole näidaten, kun se pois Jaan Sarrik ellab.
Wöörmünder Peter Hinn ja Michel Markwart tunnistasiwa, et Karl Kallioni naine Marri, kes haigusse perrast kohto ette mitte tulla es wõi, neile tunnistanu om, et temma kuuldnu ollewat kui Jaan Kult om üttelnu: "Se katte uuri mees, Jaan Sarrik, om Johann Zimmeril warrastedu märra hobbesele päitse pähha ajanu."
Samul Zimmer ja kohtomees Juk Hansi tunnistiwa ka, et Jaan Sarrikel Krawi laade ajal wistist kats uuri kaalan om olnu.
Karl Kallion kostis: "Kärike Samul Kult, Pisso Jaan Kulti welli, ütles minnole enne Talwiste pühhi 2 näddalat nelja silma al: "Kes Johann Zimmeri hobbese wargusse ülle middake wälja kõnneleb, selle maja saab ollipritsega ülle zingutus nink pallama pantus, olge teije siist poolt, meije olleme säält poolt essigi mehhe."
Johann Kallion kostis, et se om wõls, et temma Jaan Kultile olles keldren wiina andnu.
Tunnistaja Peter Wärnik kostis: "Minna olli sel kõrral jobunu nink ei tija mitte mis sel kõrral Pisso kõrtsin kõnneldus om sanu."
Tunnistaja Jaan Mõttus andse nidate tunnistust: "Jaan Kult ütles Johann Kallioni nõudmisse päle nidate: "Se wõise Johann Zimmeri hobbesele päitse pähha ajanu ollewat, kellel kats uuri kaalan om." Ent nimme es nimmita Jaan Kult mitte. Muud ei olle minna middake ennam kuulnu."
Tunnistaja Hans Möldre andse nida sammute tunnistust kui Jaan Mõttus om tunnistanu.
Jaan Sarrik kostis selle kaibuse päle nidate: "Se om wõls, et minna Johann Zimmeri hobbesele Jundi tallon olles päitse pähha ajanu ehk warrastanu, ent minna olli Krawi laade kubjas (turru kubijas) pantu nink olli minna kik se Laade aig Krawil platsin, sedda wõiwa tunnistada: Kusta Eisler, Peter Järlik, Karl Uddras ja Jaan Puk, kumma selles 27. Januaril kohto ette tallitada omma.
Pääkohtumees: Märt Lüüs XXX
Kohtumees: Peter Treumuth XXX
" Juk Hansi XXX
" Karl Wernik XXX
" Rein Mendik XXX
