Ette tulli Wannast Koijolast Peter Kranziweer nink tõst Andre Udra päle kaibust, et temma ollewat sellele 19 rubl. ja 25 kop. 2 Webruarini sel aastal ärra massa lainanu, ent Udras sedda termini mitte täutnu, nink pallel Andre Udrast sundi, et se wõlg ärra saas mastus.

Andres Udras saije selle päle ette kutsutus, tunnist tõtte ollewat Peter Kranziwere käest 19 rubl. 25 kop. lainanu ollewat, ja pallel sellega termini, et nüüd temmal sedda kostki massa ei olle.

Selle päle es ütle kohtun käuja ennamb middagi ütlemist ollewat, sis

Mõisteti

et Andre Udras peap se lainatu wõlg sel 1 Detsembril s.a. ärra masma ilma wasta pandmata.

Se otsus saije kulutedus nink § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

        "           Peter Truup XXX

Kirjotj.: J.Kirrop