Kae protokoll No 127 aast. 1876.
Pisso Jaan Kult kostis selle kohto küssimisse päle nidate: "Kui Peter Kõrts eddimelt minnewa suwwe Pissole tulli, sis nimmitas temma hennast wõiostjas, nink sis wahhetasi minna temma käest ütte kõrwi runa omma walge märra wasta, ja ostse ka Peter Kõrts minno käest 7 Rbl. eest wõidu. Perrast lätsi meije kõrtsi mannu liiku jooma nink sis ütles Johann Kallion Peter Kõrtsile: "Kui sinnol üts särane märra olles kui se ruun, sis tahhas minna ütte säärast omma welle Ado Kallionile saada." Perrast mõnne aja perrast tulli ka Peter Kõrts ütte tõise mehhega katte hobbesega nink tõi Kõrtsimehhele ütte kõrwi märra, sis käskse Johann Kallion neid hobbese toojid mäele minno pole korteri minna, nink minna ostse se kõrwi märra Peter Kõrtsi käest ärra ja masse selle eest 47 Rubla, sel kõrral 25 Rubla ja 3 kuud perran Krawi laade aigu 15 Rubla nink wõirahha 7 Rubla, mes minnol sel eddimatsel kõrral, kui minna Peter Kõrtsi käest kõrwi runa wahhetasi, selle temmal, Peter Kõrtsil, tuwwa lubbatu kõrwi märra päle temma kätte ette jäi."
Pisso Karl Kallion andse nidate tunnistust: "Krawi laade eddimatse päiwa tõise päiwa wasta sõitse Johann Pielbaum Peter Kõrtsiga ütte halli hobbesega ja Jaan Tamm nink üts tundmata mees sõitsewa ütte tõise hobbesega minnema, nink kui minna Johann Piehlbaumi käest küssisi, kohhes temma sõidab, sis ütles Johann Pielbaum, et temma Jaan Tamme saatma sõidab. Tõisel hommukul warra olli Johann Pielbaum Peter Kõrtsiga selle samma halli hobbesega jälle Pissol taggasi nink Peter Kõrts maggasi Pisso Jaan Kulti tallon wankrin.
Jaan Kult selletas minnole ja minno welle Johannile enne Talwiste pühha üts kõrd nidate, et kui nemma, Johann Pielbaum, Peter Kõrts, Jaan Tamm ja se tundmata mees, Krawi laade öösel Pisso päält minnema sõitse, sis ollewat nemma Kärike tallo sõitnu, kus Johann Zimmeri käest warrastedu hobbene een ollewat olnu, nink kui jälle Kärike poolt minnema omma sõitnu, sis ollewat nemma ütte wankerdega taggan sõiten kuuldnu; ent ne ollewat olnu, kes Hauka Rein Libeoni wankri ärra warrastasi nink neidega perran sõitnu. Jaan Sarrik ollewat Johann Zimmeri hobbesele päitse pähha ajanu, Johann Pielbaum sedda hobbest minnema saatnu nink Jaan Tamm wees se hobbese ärra, ja ollewat Johann Piehlbaum selle Johann Zimmeri hobbese eest wastuse ütte kõrwi hobbese enne Krawi laate kätte sanu nink olli sel hobbesel suur kirrew look pääl; se hobbene ollewat Ropka mõisa jaost olnu perri. Sedda näggi minna, et üts kõrw hobbene enne laate Johann Pielbaumile toodi, ent sai se hobbene Jaan Kulti tallo weedus nink es näe minna ka sedda hobbest perrast ennamb. Se mees, kes sedda hobbest tõi, läts selsammal päiwal minnema nink Jaan Kult ja Johann Piehlbaum sõitsewa tedda Pielbaumi hobbesega saatma.
Jaan Kult ütles ka meile: "Sedda hobbest om Ottepä Suur (ollewat Jaan Tamm) Johann Pielbaumile saatnu."
Pisso Johann Kallion tunnistas nidasammoti kui Karl Kallion om tunnistanu.
Johann Pielbaum kostis sellepäle nidate: "Se om üts wõls tunnistus minno ülle, minna ei tija sellest middagi, minna olli sel ööl eddimest Krawi laade päiwast tõist wasta omman koddon. Üts päiw enne Krawi laate tulli üts wõeras mees nink müüs minnole ütte kõrwi runa 25 Rubla eest ärra nink palles se mees neid hobbese riistu nink wankrid sääl minno pool piddada, kuni temmal tõisel päiwal sõbra neid ärra sawa tooma."
Pääkohtumees: Märt Lüüs XXX
Kohtumees: Peter Treumuth XXX
" Juk Hansi XXX
" Karl Wernik XXX
" Rein Mendik XXX
Kae protokoll No 127 aast. 1876.
Pisso Jaan Kult kostis selle kohto küssimisse päle nidate: "Kui Peter Kõrts eddimelt minnewa suwwe Pissole tulli, sis nimmitas temma hennast wõiostjas, nink sis wahhetasi minna temma käest ütte kõrwi runa omma walge märra wasta, ja ostse ka Peter Kõrts minno käest 7 Rbl. eest wõidu. Perrast lätsi meije kõrtsi mannu liiku jooma nink sis ütles Johann Kallion Peter Kõrtsile: "Kui sinnol üts särane märra olles kui se ruun, sis tahhas minna ütte säärast omma welle Ado Kallionile saada." Perrast mõnne aja perrast tulli ka Peter Kõrts ütte tõise mehhega katte hobbesega nink tõi Kõrtsimehhele ütte kõrwi märra, sis käskse Johann Kallion neid hobbese toojid mäele minno pole korteri minna, nink minna ostse se kõrwi märra Peter Kõrtsi käest ärra ja masse selle eest 47 Rubla, sel kõrral 25 Rubla ja 3 kuud perran Krawi laade aigu 15 Rubla nink wõirahha 7 Rubla, mes minnol sel eddimatsel kõrral, kui minna Peter Kõrtsi käest kõrwi runa wahhetasi, selle temmal, Peter Kõrtsil, tuwwa lubbatu kõrwi märra päle temma kätte ette jäi."
Pisso Karl Kallion andse nidate tunnistust: "Krawi laade eddimatse päiwa tõise päiwa wasta sõitse Johann Pielbaum Peter Kõrtsiga ütte halli hobbesega ja Jaan Tamm nink üts tundmata mees sõitsewa ütte tõise hobbesega minnema, nink kui minna Johann Piehlbaumi käest küssisi, kohhes temma sõidab, sis ütles Johann Pielbaum, et temma Jaan Tamme saatma sõidab. Tõisel hommukul warra olli Johann Pielbaum Peter Kõrtsiga selle samma halli hobbesega jälle Pissol taggasi nink Peter Kõrts maggasi Pisso Jaan Kulti tallon wankrin.
Jaan Kult selletas minnole ja minno welle Johannile enne Talwiste pühha üts kõrd nidate, et kui nemma, Johann Pielbaum, Peter Kõrts, Jaan Tamm ja se tundmata mees, Krawi laade öösel Pisso päält minnema sõitse, sis ollewat nemma Kärike tallo sõitnu, kus Johann Zimmeri käest warrastedu hobbene een ollewat olnu, nink kui jälle Kärike poolt minnema omma sõitnu, sis ollewat nemma ütte wankerdega taggan sõiten kuuldnu; ent ne ollewat olnu, kes Hauka Rein Libeoni wankri ärra warrastasi nink neidega perran sõitnu. Jaan Sarrik ollewat Johann Zimmeri hobbesele päitse pähha ajanu, Johann Pielbaum sedda hobbest minnema saatnu nink Jaan Tamm wees se hobbese ärra, ja ollewat Johann Piehlbaum selle Johann Zimmeri hobbese eest wastuse ütte kõrwi hobbese enne Krawi laate kätte sanu nink olli sel hobbesel suur kirrew look pääl; se hobbene ollewat Ropka mõisa jaost olnu perri. Sedda näggi minna, et üts kõrw hobbene enne laate Johann Pielbaumile toodi, ent sai se hobbene Jaan Kulti tallo weedus nink es näe minna ka sedda hobbest perrast ennamb. Se mees, kes sedda hobbest tõi, läts selsammal päiwal minnema nink Jaan Kult ja Johann Piehlbaum sõitsewa tedda Pielbaumi hobbesega saatma.
Jaan Kult ütles ka meile: "Sedda hobbest om Ottepä Suur (ollewat Jaan Tamm) Johann Pielbaumile saatnu."
Pisso Johann Kallion tunnistas nidasammoti kui Karl Kallion om tunnistanu.
Johann Pielbaum kostis sellepäle nidate: "Se om üts wõls tunnistus minno ülle, minna ei tija sellest middagi, minna olli sel ööl eddimest Krawi laade päiwast tõist wasta omman koddon. Üts päiw enne Krawi laate tulli üts wõeras mees nink müüs minnole ütte kõrwi runa 25 Rubla eest ärra nink palles se mees neid hobbese riistu nink wankrid sääl minno pool piddada, kuni temmal tõisel päiwal sõbra neid ärra sawa tooma."
Pääkohtumees: Märt Lüüs XXX
Kohtumees: Peter Treumuth XXX
" Juk Hansi XXX
" Karl Wernik XXX
" Rein Mendik XXX
