Kae Protokoll No 7.

Selle koggokonna kohto küssimisse päle, kas Kristjan Mõttus sedda nännu om, et enne Krawi laate Johann Pielbaumile üts hobbene toodu om nink kas temma sedda nännu om, kui Johann Pielbaum, Peter Kõrts, Jaan Tamm ja üts tundmata mees laade eddimetse päiwa õddakul Pissolt minnema omma sõitnu, kostis Kristjan Mõttus, et temma ütte ei ka tõist olle nännu.

Märt Lazarus kostis sellesamma küssimisse päle nidasammute kui Kristjan Mõttus om tunnistanu.

Tunnistaja Michel Kallion, Wastse Anzla koggokonnast, andse nidate tunnistust: "Minna ei tija keige wähhembat sellest hobbese wargusse asjust tunnistada. Karl Kallion waiwas minno kül nüüd täämba allan poodi man, et minna peas ütlema, et, kelles kats uuri kaalan, se om Joh. Zimmeri hobbest warrastanu."

II. Pisso Johann Kallion kostis, et se om õige, et Michel Kallion om temmale üttelnu: "Sinno wagga meest waiwatas nink wõetas koddo käest ärra, ent pois, kelles kats uuri kaalan, wõtse Krawi laade pääl rahha wasta. 

I. Pisso Karl Kallion kostis Michel Kallioni ütlemisse päle nidate, et temma mitte Michel Kallioni oppanu olle.

Pääkohtumees: Märt Lüüs XXX

Kohtumees: Peter Treumuth XXX

  "  Karl Wernik XXX

III: Michel Kallion kostis Johann Kallioni kaibuse päle, et temma sedda mitte üttelnu olle.