Ette tulli Tanno Tarro nink tõst omma welli Michel Tarro päle kaibust, et temma jobba selle käest mittu kõrda nink ni mitme asja eest omma kaddona esa perrandust, se om sedda jaggo mes temmal ommast esast maja perranduses om jänu, nink seni ajani weel perran kaddona esa surma eddesi kaswatanu omma wellega ütten, wälja om nõudnu, ent welli Michel Tarro temmale sedda seni ajani mitte wälja andnu;

nisamma ollewat temmal rendi kontrahti perra pool maja maad, se on 6 taalrit olnu, mes nüüd temma welli ilmtemma teedmata ärra ostnu om, nink nõwwap selle 6 taalri eest 24 rubl. kahjotassumist; ülle rendi kontrahti nõudmise ollewat Michel Tarrol omma hä melega teggemise perra honit ülle ehitedus kui nimelt, üts ello maja kelle päle maja raha 200 rubl. ärra sanu kullutedus, nisamma weel 2 aita 20 rubl. ja üts tal 20 rubl. ja küün 15 rubl. nõwwap selle ehituse kullust omma säduslik jaggo wälja massa laske. sis nõwwap Tanno Tarro weel sellest sisse mastu maja kapitali rahast 130 rubl. omma jaggo, kui ka raud- nink likuwast warrandusest omma säduslik jaggo, nink pallep üttelisi koggokonna kohut, sedda maja warrandust ülle kaeda ja Protokolli ülles wõtta, et temma welli sellest ennamb middagi sallamahtu ehk teedmata kõrwale es sadas.

Et Michel Tarro täämba siin es olle, sis es woi selle asja ülle weel middagi mõista, nink saiwa sel 8 April ette kutsutus, nink ka enne sedda weel se maja warrandus ülle kaeda.

Päkohtumees Jaan Liiw XXX

kohtumees Jakob Pirisild XXX

       "            Peter Truup XXX

Kirjotj.: J.Kirrop