Orrawa walla mees Ado Errep tulli ette nink tõst kaibust, et Laswa mõisa sullane Hindrik Lõiw ja sepa pois Jaan Wäiko ollewat tedda ilmasjanda Laswa kõrtsi man rängaste pesnu, nimelt Wäiko pesnu kullagoga ja Hindrik Lõiw lönu kats kõrd ütte nuijaga pähta, ni et sesama katski lännu, ja temma pooluimane maha jänu, kelle ülle Kärsna Zimm ja Lena Sabbal Laswa mõisast ja Jakob Liddi Orrawa mõisast tunnistada woiwat, nink palle näidega säduse perra tallitada.

Et ne kaiwatawa Hindrik Lõiw ja Jaan Wäiko, kui ka tunnistaja Kärsna Zimm Lena Sabbal ja Jakob Liddi täämba siin es olle, sis es woi selle asja ülle weel middagi mõista, nink saiwa sel 2 Mail ette kutsutus.

Päkohtumees Jaan Liiw XXX

kohtumees Jakob Pirisild XXX

       "             Peter Truup XXX

Kirjotj.: J.Kirrop