Wöörmünder Jakob Hermlin ja Werdi Treumuth tõiwa se kõrwi ruuna sija kohtomaja manno nink olli ka Sõmmerpallu Soe kõrtsimees Alexander Hecktor ja Sõmmerpallu wallawannemb Johann Weski selles päiwas sija tulnu ja andse sis kõrtsimees Hecktor ja wallawannemb Joh. Weski ülles, et kõrtsimees Hecktoril sel öösel 7-8. Januari 1876 wasta üts kõrw ruun, 10 aastat wanna, leht kurra pole pääl, otsa pääl walge täht ja hää eddimetse jalla kabbi ärra sõkkutu, ärra warrastedus om sanu, keddas ka Wõrro Maakohtole ommal ajal üllesandnu ütlewa ollewat. 

Kui nüüd se koggokonna kohhus ja wallawallitsus lõidnu, et se Peter Laas käest ärra toodu hobbene keiki märke perra wistist Soe kõrtsimees Hecktori hobbene om, ja perran sedda, kui temmale se hobbene ette weetus sai, sedda ommas tunnistas, ni kui ka Sõmmerpallu wallawannemb Johann Weski sedda hobbest kõrtsimees Hecktori hobbeses tunnistas, sai se kõrw ruun sel täämbatsel päiwal kõrtsimees Alexander Hecktorile kätte antus. 

Pääkohtumees Märt Lüüs XXX

Kohtumees  Peter Treumuth XXX

Wallawannemb Johann Zimmer XXX

Wöörmünder Werdi Treumuth XXX

  "  Jakob Hermlin XXX