Kae protokoll No.
Pisso Johann Kallionist üllesantu tunnistaja:
Piiri Johann Kallion andse nidate tunnistust: "Minna olli kül Krawi lade eddimetse päiwast tõise päiwa wasta sel ööl Pisso Johann Kallioni pool ööd, ent sedda minna mitte es näe, et Joh. Pielbaum halli täkkuga olles Pissolt minnema sõitnu nink es näe minna ülleültse Joh. Pielbaumi sel õddakul Pisso kõrtsin. Sel sammal õddakul tulli sesamma mees, nimmi ollewat temmal Peter Kõrts, keddas Krawi laade pääl kinni tahheti panda nink kelle eest Pisso Johann Kallion saise, arwata kella 11 ajal Pisso kõrtsi manno nink olli temmal üts hail 4 aastane täkk raudwankerde een ja tahtse temma sedda hobbest kõrtsi al mustlastele ärra wahheta, ent es saa neil õddaku wahhetussest middake, nink läts Peter Kõrts keige hobbese ja wankriga Pisso Jaan Kulti tallo. Tõisel hommukul tulli Peter Kõrts ja Jaan Kult kõrtsi manno nink nakkasiwa mustlastega jälle hobbese wahhetuse perrast kõnnelema, sis tõi perran üts pois se hailli täkku kõrtsi manno ja sõitse Jaan Kuiw eddimelt selle hobbesega ratsale prowi, perran sedda jälle Karl Kallion nink perrakõrd ka Johann Kallion, sis wahhetas Peter Kõrts selle hailli täkku mustlasele ütte kõrwi ruuna wasta ärra nink Pisso Joh. Kallion kutsis selle päle neid kõrtsi liiku jooma. Wimate läts Mustlane selle hailli täkkuga Pisso Jaan Kulti tallo nink pandse sedda neidesamma wankerde ette, kelle een se hail täkk eddimetse laade päiwa õddakul Peter Kõrtsi käen olli, nink sõitse jälle kõrtsi ette ja säält Litzmõtza kõrtsi pole minnema.
Peter Kõrts ütles, kui minna sedda hobbest wahhetada küsse, minnole: "Se täkk ei kõlba sinnole, se om ütte rikka mehhe hobbene." Kui minna Pisso Johann Kallionile ütli, et se wistist üts warras om, kostis Johann Kallion minnole: "Mes sinnol sellega assi om."
Ado Newe, Wastse Anzla wallast, andse nidate tunnistust: "Eddimetse Krawi laade õddakul olli minna Pisso kõrtsin, nink sis kutse Karl Kallion minno Jaan Kulti tarre manno tulla, kus Mustlase hobbesid wahhetada tahtnu, sis lätsi minna Karl Kallioniga Jaan Kulti tallo, ent näggi minna sääl ütte hobbest wankerdega ja kats wõerast meest olli sääl man. Sellepäle lätsi meije kõrtsi manno taggasi ja säält lätsi minna jälle ärra laade päle. Sedda ei olle minna mitte nännu, et Joh. Pielbaum ütte hailli hobbesega olles minnema sõitnu. "
Pisso Johann Kallion ja Karl Kallion tunnistasiwa et tõise laade päiwa hommukul wahhetasi Peter Kõrts ja Mustlase hobbesid, ent nemma sedda mitte ei tija et wankri ütten olles wahhetedus sanu.
Wallawannemb Johann Zimmer ja Pääkohtumees Märt Lüüs andsewa siin ülles, et kui nemma Krawi laade tõisel päiwal sedda Peter Kõrtsi kinni omma panda tahtnu, sis ütles Johann Kallion et se mees, Peter Kõrts, temma sõbber om nink temma selle eest wastutab, sedda samma ütles ka Jaan Kult, nink om ka Johann Kallion neid, Johann Zimmerit ja Märt Lüüsi, trotsnu.
Johann Kamel, Wastse Anzla wallast, andse nidate tunnistust: "Tõise Krawi laade päiwal tulli minna Pisso Jaan Kulti tallost, kus minna öö maggasi, Pisso kõrtsi manno ja näggi minna, et Jaan Kult, Johann Kallion ja üts wõeras mees Mustlastega hobbesid wahhetasi nink et mustlane ütte hailli täkkuga wankerde een Litzmõtza kõrtsi pole ärra sõitse. Mustlase käest olli selle hailli hobbese wasta wastus üts kõrw ruun."
Sellest kohtust on otsuses pantu, sedda een saiswat Protokolli Keiserlikku Wõrro Maakohtule siistpoolt sadetu Protokollile sest 18. Nowembrist 1876 No 127male lissas läbbikaemisses allandlikkult ette panda.
Am 26 Februar c. eine Abschrift der Protokolln No 5, 6, 7, 9, 10, 14, 15 Einem kaiser. Werroschen Ordnungsgerichte übersandt.
Kae protokoll No.
Pisso Johann Kallionist üllesantu tunnistaja:
Piiri Johann Kallion andse nidate tunnistust: "Minna olli kül Krawi lade eddimetse päiwast tõise päiwa wasta sel ööl Pisso Johann Kallioni pool ööd, ent sedda minna mitte es näe, et Joh. Pielbaum halli täkkuga olles Pissolt minnema sõitnu nink es näe minna ülleültse Joh. Pielbaumi sel õddakul Pisso kõrtsin. Sel sammal õddakul tulli sesamma mees, nimmi ollewat temmal Peter Kõrts, keddas Krawi laade pääl kinni tahheti panda nink kelle eest Pisso Johann Kallion saise, arwata kella 11 ajal Pisso kõrtsi manno nink olli temmal üts hail 4 aastane täkk raudwankerde een ja tahtse temma sedda hobbest kõrtsi al mustlastele ärra wahheta, ent es saa neil õddaku wahhetussest middake, nink läts Peter Kõrts keige hobbese ja wankriga Pisso Jaan Kulti tallo. Tõisel hommukul tulli Peter Kõrts ja Jaan Kult kõrtsi manno nink nakkasiwa mustlastega jälle hobbese wahhetuse perrast kõnnelema, sis tõi perran üts pois se hailli täkku kõrtsi manno ja sõitse Jaan Kuiw eddimelt selle hobbesega ratsale prowi, perran sedda jälle Karl Kallion nink perrakõrd ka Johann Kallion, sis wahhetas Peter Kõrts selle hailli täkku mustlasele ütte kõrwi ruuna wasta ärra nink Pisso Joh. Kallion kutsis selle päle neid kõrtsi liiku jooma. Wimate läts Mustlane selle hailli täkkuga Pisso Jaan Kulti tallo nink pandse sedda neidesamma wankerde ette, kelle een se hail täkk eddimetse laade päiwa õddakul Peter Kõrtsi käen olli, nink sõitse jälle kõrtsi ette ja säält Litzmõtza kõrtsi pole minnema.
Peter Kõrts ütles, kui minna sedda hobbest wahhetada küsse, minnole: "Se täkk ei kõlba sinnole, se om ütte rikka mehhe hobbene." Kui minna Pisso Johann Kallionile ütli, et se wistist üts warras om, kostis Johann Kallion minnole: "Mes sinnol sellega assi om."
Ado Newe, Wastse Anzla wallast, andse nidate tunnistust: "Eddimetse Krawi laade õddakul olli minna Pisso kõrtsin, nink sis kutse Karl Kallion minno Jaan Kulti tarre manno tulla, kus Mustlase hobbesid wahhetada tahtnu, sis lätsi minna Karl Kallioniga Jaan Kulti tallo, ent näggi minna sääl ütte hobbest wankerdega ja kats wõerast meest olli sääl man. Sellepäle lätsi meije kõrtsi manno taggasi ja säält lätsi minna jälle ärra laade päle. Sedda ei olle minna mitte nännu, et Joh. Pielbaum ütte hailli hobbesega olles minnema sõitnu. "
Pisso Johann Kallion ja Karl Kallion tunnistasiwa et tõise laade päiwa hommukul wahhetasi Peter Kõrts ja Mustlase hobbesid, ent nemma sedda mitte ei tija et wankri ütten olles wahhetedus sanu.
Wallawannemb Johann Zimmer ja Pääkohtumees Märt Lüüs andsewa siin ülles, et kui nemma Krawi laade tõisel päiwal sedda Peter Kõrtsi kinni omma panda tahtnu, sis ütles Johann Kallion et se mees, Peter Kõrts, temma sõbber om nink temma selle eest wastutab, sedda samma ütles ka Jaan Kult, nink om ka Johann Kallion neid, Johann Zimmerit ja Märt Lüüsi, trotsnu.
Johann Kamel, Wastse Anzla wallast, andse nidate tunnistust: "Tõise Krawi laade päiwal tulli minna Pisso Jaan Kulti tallost, kus minna öö maggasi, Pisso kõrtsi manno ja näggi minna, et Jaan Kult, Johann Kallion ja üts wõeras mees Mustlastega hobbesid wahhetasi nink et mustlane ütte hailli täkkuga wankerde een Litzmõtza kõrtsi pole ärra sõitse. Mustlase käest olli selle hailli hobbese wasta wastus üts kõrw ruun."
Sellest kohtust on otsuses pantu, sedda een saiswat Protokolli Keiserlikku Wõrro Maakohtule siistpoolt sadetu Protokollile sest 18. Nowembrist 1876 No 127male lissas läbbikaemisses allandlikkult ette panda.
Am 26 Februar c. eine Abschrift der Protokolln No 5, 6, 7, 9, 10, 14, 15 Einem kaiser. Werroschen Ordnungsgerichte übersandt.
