Mõtsa saks Jaan Tamm Wastselinast tulli ette nink tõst selle walla perremehe Johann Rüsteri päle kaibust, et se ollewat ommast mõtsast palge raggonu ja Wõrrole münu, kelle ülle Peter Palloweer tunnistada woiwat, nink pallel temmaga selleperrast säduse perra tallitada.

Johann Rüster selle päle ette kutsutu es ütle mitte ommast mõtsast palke münu ollewat, enge ollewat kül säält mõnne omma honite ehituse tarwis raggonu; pälegi ei woiwat Peter Palloweer mitte temmale tunnistaja olla, kunna se temma wiha mees ollewat.

Mõisteti

et selle asja ülle ütteke tunnistust es olle sis es woi ka Johann Rüsterile trahwi mõista, ent peap edespäidi mõtsa walitsuse käest lubba küsima, kui ommast mõtsast middagi tarwis peas ollema.

Otsus kulutedu.

Päkohtumees Jaan Liiw XXX

kohtumees Jakob Pirisild XXX

abi   "           Jakob Eiche XXX