Thomas Laas tulli ette nink tõst Peter Nirgi, Josep Sõnna ja Gustaw Pruus päle kaibust, et kui temma Laswa kõrtsi mant õdangu koddo lännu minnema sis tulnu ne een nimitedu innemise temmale tee pääl järge, nink lönu tedda kogonist ilmasjanda ütte saiba tükkiga wäega rängaste, et selle perra kässi mitto päiwa perran paistedu olnu, pälegi ollewat Magnus Pirisild hennast selle ülle kittelnu, et temma omma raha eest sedda löki ollewat lasknu anda, kelle ülle Peter Meltz ja Jakob Laiw tunnistada woiwat nink nõwwap selle lömise tassomises hennele 50 rubl. hõbb.

Peter Nirk saije selle kaibuse päle ette kutsutus and wastust, et üts Pindi walla mees Johann Wirwe ollewat Laswa kõrtsi man Magnus Pirisilda ilmasjanda pesnu, kelle päle temma Pirisillale appi lännu, nink Wirwe tahtnu näid selle pärrast lüwwa, ent se löök juhtunu Thomas Laas õlla päle.

Gustaw Pruus es ütle sellest lömisest kige wähembat middagi näggewat ei ka teedwat.

Josep Sõnna and ülles, et se Pindi walla mees Johann Wirwe pesnu Magnus Pirisilda, kelle päle nemma appi tulnu nink Wirwe näid selle päle lüwwa tahtnu, ent se löök johtunu Thomas Laas õlle päle, kelle ülle Andre Pirisild tunnistada woiwat.

Jakob Laiw es ütgle sellest asjast middagi teedwat ei ka kuulwat, et Magnus Pirisild sedda löki omma raha eest anda lasknu.

Peter Meltz sisse kutsutus and tunnistust, et temma mitte nännu ei ollewat kes selle lögi Thomas Laas andnu, ehk kül Laas tõtteste lödus sanu.

Et Andre Pirisild, Magnus Pirisild kui ka Laswa kõrtsimees täämba siin es olle, sis es woi selle ülle weel ütteke otsust anda, nink sawa sel 30 Mail ette kutsutus.

Päkohtumees Jaan Liiw XXX

kohtumees Jakob Pirisild XXX

abi    "         Jakob Eiche XXX

Kirjotj.: J.Kirrop