Kärsna Kütt tulli ette nink tõst Michel Kangro päle kaibust, kes nüüd Losi wallan ellap, et se temma käest 2 rbl. raha lainanu nink nüüd ennamb ärra ei maswat, ja pallel kogukonna kohut sedda temma käest nõuda.

Michel Kangro eensaiswa kaibuse päle ette kutsutu and wastust, et temma kül Kärsna Kütti käest 2 Rbl. rahha lainanu ollewat, et temmal ollewat ka selle wasta omma naise kirst weel esa Kärsna Kütti käest naise wõtmisest sani samata kelle perrast nüüd just tassa ollewat.

Kärsna Kütt and selle wastu ülles et kui Kangru jobba rohkemb kui 10 aastast temma tütre hennele naises wõtnu, sis ka ennamba kirstu nõuda wõinu.

Selle päle es ütle kohtun käuja ennamb middagi ütlemist ollewat, sis

Mõisteti

et Michel Kangro peap Kärsna Kütt weel 1 rubl. 50 Cop. 14 päiwa sissen ärra masma, ent 50 Cop jääp selle kirstu tasomises maha.

Se kohtu otsus saije kohtun käujile kulutedus nink tallo rahwa säduse ramatust 1860 aast. § 773, 774 perra opusleht antus.

Päkohtumees Peter Meltz

kohtumees Jakob Eichhorn

      "             Peter Päss

Kirjotj.: J.Kirrop