Perremees Johann Rüster tõst Peter Pallowere päle kaibust, et se olewat temma ma piri ärra riknu nink sedda nimitto kõrda jobba õkwendanu ent jälle ärra kündnu; pallel kohut sedda asja kogokonna kohtul ärra selletada nink piri wälja ajada.

Peter Palloweer and selle wasta ülles, et temma mitte ülle piri kündnu ei ollewat, enge Rüster olewat esi tõise kuppetsi ülles säädnu, kelle perra temma piei ajawat, ei ollewat ka kesk piri ülle kündnu.

Wöörmundre Peter Eiche and selle piri asja ülle tunnistust, et temma kül sedda piri Rüsteri zihi ajamise perra ülle kaenu nink mõnnen paigan ülle künnetu leudnu ollewat.

Peter Palloweer es anna sellele mitte perra, enge arwas selle piri mamõõtja ülles tähendamise perra õige ollewat.

Selle päle es ütle kohtun käuja enamb middagi ütlemist ollewat, sis

Mõisteti

et neide katte perremehe seast seast togu kea taht üts wannutedu mamõõtja nink laske ne kuppetsi kui ka piir selgeste wälja mõõta, ent kes ses selle man süüdlases jääp, kannap selle mamõõtja kullu.

Se kohtu otsus saije kohtu saije kohtu käujile kulutedus nink tallorahw. säd. ramt. 1860 aast. §773, 774 ärra selletedus nink § 881 perra opus leht wälja antus.

Päkohtumees Peter Meltz [allkiri]

kohtumees Jakob Eichhorn XXX

      "              Peter Päss XXX

Kirjotj.: J.Kirrop