Laswa walla walitsus tõst selle walla perremehe Andre Truba päle kaibust, et se ei ollewat mitte walla walitsuse kässu päle minnewa talwe Laswa kolimaja ehituse tarwis 8 palki ja 10 latti mõtsast wälja ärra weddanu, kelle eest se material nüüd 6 rubl. hõbb. eest ärra wetu, nink palleb kogokonna kohut Andre Truba käest se 6 rubl. wälja wetu kolimaja ehituse materiali eest walla walitsuse hääs sisse nõuda.

Andre Truup saije selle päle ette kutsutus and eensaiswa kaibuse päle wastust, et temma wenne usku om nink selleperrast ka luteri usu kolimaja hääs middagi weddada ei pruukwat.

Wallawalitsus and selle wasta ülles, et Andre Truba tallo ostmise kontrahti leping tedda sunnip kik luteri usu kolimaja sundimissi nink nõudmissi täutma, pälegi temmal ka kik latse Laswa luteri usu kolimaija kolin käuwa kellest ja 4 last jobba luteri usku ristitu omma.

Andre Truup and kül sellele perra, enge es luppa mitte omma ostmise kontrahti selle kolimaja ehituse punktiga tõttes tunnistada.

Et Andre Trubal omma ostmise eenkontraht täämba siin es olle, sis es woi selle asja ülle weel middagi mõista, nink saiwa sel 25 Julil ette kutsutus.

Päkohtumees Peter Meltz XXX

kohtumees Jakob Eichhorn XXX

       "             Peter Päss XXX

Kirjotj.: J.Kirrop