Kae Protokoll No 26.

Tunnistaja Toffer Pormeister andse nidate tunnistust: "Minna olli kül Waltina kõrtsin nink näggi kui Karl Zimmer 3 toopi õllut ostse nink ütte annuma sisse wallas, mes ülle jäi, sellest joos Karl Zimmer essi nink andse sis toopiga õlle Peter Kübbarale, kelles kurra käen üts kott olli, sedda minna mitte ei tija mis selle kotti sissen olli, nink hää käega ülletoopi wasta wõtse; minna lätsi selle päle ärra koddo nink ei tija mes selle päle sünnis."

Alexander Kübbar, Petre poig, 15 aastat wanna, tunnistas: "Minna olli essaga Waltina kõrtsin, nink näggi ka kui kaupmees Kühl essale ütte 100 rublalise pabberi andse. Kui meije kõrtsin olli, sis käwwe minna saggedaste wäljan hobbest kaema, nink perran kui minno essa jobunu olli, tahtse minna koddo sõitma nakkata, et agga essa minna es jõwwa sis käskse kõrtsimees minno wälja hobbest wallale pästma nink sis tõiwa Peter Anzow ja Karl Zimmer essa wälja ree päle ja kõrtsimees jäi treppi päl saisma, selle päle sõitse meije ärra koddo, kun minno emma ja sõssar päle läbbiotsimist sedda rahha pudus lõidse."

Päkohtomees Märt Lüüs XXX

Kohtomees Rein Mendik XXX

Wöörmünder Peter Hinn XXX