Jaan Maritz, Wastse Anzla wallast, kaibas: "Minna ostse Litzmõtza Karl Rätsepa käest arwata 4 näddala eest 118 palki nink masse minna neide eest temmale sel sammal kõrral 37 rubla ärra, ent nüüd ei anna Karl Rätsep minnole neid palke kätte."

Tunnistaja Johann Lüüs andse nidate tunnistust: "Minna olli man kui Johann Maritz Karl Rätseppa palki kaupa teggi. Jaan Maritz ostse Karl Rätsepa käest 118 palki, mes Karl Rätsep mõisa mõtsast maja ostmisse manno saab, 37 rubla eest ärra nink massis ka Jaan Maritz Karl Rätsepale 37 rubla neide palke eest ärra nink olli kõnne perra Jaan Maritzel ne palki sel talwel wälja weddada."

Tunnistaja Märt Piir andse nida sammute tunnistust kui Johann Lüüs om andnu. 

Tunnistaja Isak Landson andse nida sammute tunnistust kui Johann Lüüs om andnu. 

Tunnistaja Johann Aint andse nida sammute tunnistust kui Johann Lüüs oma andnu.

Et Karl Rätsep sel täämbatsel päiwal mitte sija ette olle tulnu, om temma nüüd selles 7. Aprillis kohto ette talliteda. 

Kohtomees Peter Treumuth XXX

Kohtomees Rein Mendik XXX

Wöörmünder Peter Hinn XXX