Ette tulli Pindi wallast Hindrik Kakku nink tõst siin ollewa innimese Peter Losi päle kaibust, et se ollewat jobba sel 11 Julil temma käest ütte kaiwo kaiba wõtnu nink selle päle 6 rubl. käeraha wõtnu, nink kaiw piddanu walmis tettus sama sel 14 Augustil sel käen ollewal süggusel, ent Loos nüüd seniajani weel tööt suggugi allostanu ei olewat, nink nõwwap et Peter Loos temmale se käeraha topplet taggasi massas ehk se kaiw nipea walmis tees nink se we weddamise kahjo egga päiwa eest üts sögi wahe ärra tassos.

Peter Loos ette kutsutus wabband hennast kül tõttaste selle asja nink lepingo polest kogonist süüdlase olewat, ja ka se kaibuse nida tõtte ollewat, nink pallel hennele sellega kannatust nink pikkembat aiga anda.

Selle päle lepsewa kohtunkäuja henda keske kokko, et Peter Loos massap Kakkule 3 rubl. kahjo tassomist, nink lähap selle wanna kontrahti perra eentullewal näddalil selle kaiwo manno töho.

Mõisteti

kedda eensaiswat lepingut nida Protokollin ärra kinnitada.

Päkohtumees Peter Meltz XXX

kohtumees Jakob Eichhorn XXX

     "              Peter Päss XXX

Kirjotj.: J.Kirrop