Kae Protokoll No 34.

Karl Treumuth, kes 4 aasta eest Jundi Johann Zimmeri man poleterramees olli, andse nidate tunnistust: "Lillo Peter Treumuthi mõtsast tõime 7 hobbesega 2 wori palke, nink sai mõnnest puust 2 palki, muido ei olle minna nännu, et Peter Treumuthi mõtsast Jundi pole palke olles toodu. Neidest olli ossa peddajid ja ossa kuusi. Meije raggusime ne puu essi mahha kui meije perra lätsime."

Linnert Reiljan, kes ka 4 aasta eest Jundi Johann Zimmeri man poleterramees olli, andse nida sammute tunnistust kui Karl Treumuth om tunnistanu, ent puud mahha raggunu ei ütle temma ollewat.

Karl Rautsep, Karrola koggokonnast, andse nida sammute tunnistust kui Karl Treumuth om tunnistanu. 

Johann Zimmer andse tunnistajis ülles: Jaan Lust.

Peter Treumuth andse tunnistajis ülles: Ado Puusep.

Johann Zimmer tunnistas ka et temma 5 peddajat Peter Treumuthi mõtsast hendale om tonu.

Päkohtomees Märt Lüüs XXX

Kohtomees Juk Hansi XXX

  "  Karl Wernik XXX

  "  Rein Mendik XXX

Kae Protokoll No 47.