Jaan Samel, Linamäe wallast, kaibas se kohtu een, et temma Wastse Anzmõisa Möldre kõrtis man Talwiste perramatse pühhä õddangul mitmelt selle walla poisteist olles kinni wõetud ja lödus sanu. Soldat Jaan Kreewald olles tedda kige eddimalt kinni wõtnu. Tunnistajis and temma ülles: Jaan Pichlo, Jaan Amos, Sahkri Silm ja perremehhe Märt ja Johan Marits.
Jaan Kreewald tunnist sedda kakkelust kül õige ollew, mes agga ni wisi allustanu: Kõrts olnu rahwast täüs, Jaan Kreewald saisnu usse liggeidal, äkkitselt sisse lükkanu jalla Jaan Kreewaldt tedda taggasi, ni tulnu Jaan Kreewaldile mitto Anzmõisa poisi appi ja wiinu Jaan Sameli kõrtsist wälja. Sääl räbbelemisse man temma ennegi Johann Wellikut tundnu.
Jaan Pichlo tunnist, et Ado Newe ka Jaan Samelit kinni wõtnu.
Jaan Amos tunnist, et Jaan Kreewaldt ja Anz Hiller eddimatse kinniwõtja omma olnu.
Sahkri Silm tunnist jälle, et Anz Hiller to silma pilk õkwa temmaga kõnnelnu, mitte sääl man olnu, ja nännu kui Jaan Kreewaldt ja Johan Wellik eddimalt Jaan Samelit kinni wõtnu.
Märt Marits tunnist, et temma selgelt nännu, kui nemma mütsakun wäljan räbbelnu. Jaan Kreewaldt saisnu kaugembal ja olnu uts nui käen, ei olle märku sanu, mes tarbis temmal to nui käen ollnu nink wõtnu se nui ja temma käest ärra, ilma et Jaan Kreewaldt sellega keddage lönu olles.
Johan Maritz tunnist, et kui Jaan Samel säält koddu sõiten temma sani taade lännu, Anz Hiller temma, Jaan Sameli, mannu tüknu ja temmaga sääl räbbelnu, tõisi poisi kes sääl man ollnu, ei olle temma pimmega tundnu.
Jaan Samel Kreewald sellet weel, et Jaan Samelil ja nimmitedul Jaan Amosel se nõu olnu, ommi seltsimeestega tedda, Jaan Kreewaldi, nisammoti läbbi pessa, kui minnewa suwwel temma welle Ado Kreewaldi koggoni posti tee pääl, kos Ado ütsinda ollnu nink sedda es wõi kellegi läbbi tunnistada. Kui nüüd kigest sellest nätta om, et Soldat Jaan Kreewald, sullane Ado Newe, Johan Wellik ja Anz Hiller, Jaan Samelit tunnistusse perra eddimalt putnu ommawa, sai mõistetus: et egga üts neist 2 Rublit trahwi waeste ladiko 8 päiwa sissen masma peawa ja Jaan Samelil middagi nõuda es olles, selle et temma Ado Kreewaldi pessmisse läbbi, mes kül kohto een awwalikkus es sa, selle tülli eddimast põhja kui wõeras inneminne wõeran wallan pandnu olli.
Suremban kohtun käimisse sädus sai neile kulutedus.
Jaan Samel, Linamäe wallast, kaibas se kohtu een, et temma Wastse Anzmõisa Möldre kõrtis man Talwiste perramatse pühhä õddangul mitmelt selle walla poisteist olles kinni wõetud ja lödus sanu. Soldat Jaan Kreewald olles tedda kige eddimalt kinni wõtnu. Tunnistajis and temma ülles: Jaan Pichlo, Jaan Amos, Sahkri Silm ja perremehhe Märt ja Johan Marits.
Jaan Kreewald tunnist sedda kakkelust kül õige ollew, mes agga ni wisi allustanu: Kõrts olnu rahwast täüs, Jaan Kreewald saisnu usse liggeidal, äkkitselt sisse lükkanu jalla Jaan Kreewaldt tedda taggasi, ni tulnu Jaan Kreewaldile mitto Anzmõisa poisi appi ja wiinu Jaan Sameli kõrtsist wälja. Sääl räbbelemisse man temma ennegi Johann Wellikut tundnu.
Jaan Pichlo tunnist, et Ado Newe ka Jaan Samelit kinni wõtnu.
Jaan Amos tunnist, et Jaan Kreewaldt ja Anz Hiller eddimatse kinniwõtja omma olnu.
Sahkri Silm tunnist jälle, et Anz Hiller to silma pilk õkwa temmaga kõnnelnu, mitte sääl man olnu, ja nännu kui Jaan Kreewaldt ja Johan Wellik eddimalt Jaan Samelit kinni wõtnu.
Märt Marits tunnist, et temma selgelt nännu, kui nemma mütsakun wäljan räbbelnu. Jaan Kreewaldt saisnu kaugembal ja olnu uts nui käen, ei olle märku sanu, mes tarbis temmal to nui käen ollnu nink wõtnu se nui ja temma käest ärra, ilma et Jaan Kreewaldt sellega keddage lönu olles.
Johan Maritz tunnist, et kui Jaan Samel säält koddu sõiten temma sani taade lännu, Anz Hiller temma, Jaan Sameli, mannu tüknu ja temmaga sääl räbbelnu, tõisi poisi kes sääl man ollnu, ei olle temma pimmega tundnu.
Jaan Samel Kreewald sellet weel, et Jaan Samelil ja nimmitedul Jaan Amosel se nõu olnu, ommi seltsimeestega tedda, Jaan Kreewaldi, nisammoti läbbi pessa, kui minnewa suwwel temma welle Ado Kreewaldi koggoni posti tee pääl, kos Ado ütsinda ollnu nink sedda es wõi kellegi läbbi tunnistada. Kui nüüd kigest sellest nätta om, et Soldat Jaan Kreewald, sullane Ado Newe, Johan Wellik ja Anz Hiller, Jaan Samelit tunnistusse perra eddimalt putnu ommawa, sai mõistetus: et egga üts neist 2 Rublit trahwi waeste ladiko 8 päiwa sissen masma peawa ja Jaan Samelil middagi nõuda es olles, selle et temma Ado Kreewaldi pessmisse läbbi, mes kül kohto een awwalikkus es sa, selle tülli eddimast põhja kui wõeras inneminne wõeran wallan pandnu olli.
Suremban kohtun käimisse sädus sai neile kulutedus.
