Karl Rosenthal kaibas se kohtu een, et sullase Johan Kreewald ja Peter Weijermann palke koddu wetten, 2 palki temma palgi unnikust wõtnu olles, ne palgi mõtsawahhi Johan Kallioni hoita antu olnud, tundnu Johan Kallion kotsilt temma howist läbbi sõiten ärra nink lasknu ne palgi mahha panda. Johan Kreewald nink Peter Weijermann tunnistiwa sedda tõttes nink ütliwa et nemma arwanu neid Tido Karl Kallioni palges ja olles neid koggematta päle pandnu nink palsiwa Karl Rosenthali se eest andis, ent Karl Rosenthal es anna neile andis, selle et Karl Rosenthal sedda mitte essimisses enge nimme teos arwas, ja et nemma, mõtsawahhi Johan Kallioni tunnistusse perra, palgi otsa päle tettu märki mahha raggunu.

Karl Rosenthal and ülles, et temma neidega ärra lepnu.

Nisamma kaibas Karl Rosenthal, et mõtsawahhi Johann Kallioni tunnistusse perra Johan Suder ja Peter Mikkol, nisammoti kats palki temma palgi unnikust koddu weddanu. 

Johann Suder ja Peter Mikkol ütlese, et Johan Suder ütte palgi Tiso Karli unnikust päle wõtnud olles nink tõise palgi jälle Peter Mikkol koggoni raendiko päält mahha lastust puust raggunu.

Mõtsawaht Johan Kallion tunnist kül, et wärske jälle Karl Rosenthali palgi unniko man tutta olnu nink ka tähhele pandnu, et üttest otsast ni kui olles märk mahha kabitu olnu, ent es tija selgest.

Sai Mõistetus: selle eest, et nemma ilma mõtsawhii teedmata palgi päle wõtnud, peawa Johan Suder ja Peter Mikkol kumbgi 1 Rbl. trahwi masma. Massiwa kumbge üts Rbl. ärra.

Päkohtumees Ott Urbanik

Abbikohtumees Karl Ruder 

        d.                  Jaan Mikkol

        d.                 Samul Lanemann