Ette tulli Wastselina mõtsa walitsuse asemel Jaan Tamm nink tõst perremehe Andre Trupa päle kaibust, et se ollewat mõisa kassu mõtsast 2 kõiwo ärra warrastanu 1 eddima 11 ja tõine 12 tolli kannu päält mõta jämme, nink nõwwap selle eest 6 Rbl. trahwi massa laske mõtsa walitsuse hääs.

Andre Truup saije selle kaibuse päle ette kutsutus es salgas neid 2 kõiwo warrastanu ollewat nink pallel hennele selle eest andis anda, et et temma selle päle üttest wannast naiste rahwast melitedus sanu.

Selle päle es ütle kohtun käuja enamb middagi ütlemist ollewat, sis

Mõisteti

et Andre Truup peap neide 2 ärra warrastedu kõiwo eest 5 Rbl. trahwi 14 päiwa sissen a dato sellest kohtu otsuse kindmas jämisest mõtsa walitsuse hääs ärra masma.

Se kohtu otsus saije kohtun käujile kulutedus nink tallo rahwa säd. ramt. 1860 aast. §§ 773, 774 perra ärra selletedus nink § 881 perra opus leht wälja antus.

sel 3 Octobril kats Rbl. ärra mastu.

Päkohtumees Peter Meltz XXX

kohtumees Jakob Eichhorn XXX

    "               Peter Päss XXX

Kirjotj.: J.Kirrop