Marda Kriip kaibasse kohtu een, et temmal 8 nakla penikest linnast langa, mes henda risti pääl loodu ja aida ette orre päle pleekma pantu olnu, ärrakaddonu.

Marri Lepp, kes neid langu ka tundnu, andnu temmale teda, et Marri Jõggi just nisuggusit lango praego kerrisi. Mardu Kriip lännu kotsilt kaema nink lõudnu ütte neljapolilise langa Marri Jõggi pool.

Ka tunnist Marri Lepp - kes Marri Jõggi pool korterin om, et Marri Jõggi ni penikest langa sel talwel 1871/71, minkass temma ütte kanga ülles weddanu, ennegi kümme poli täit kedrani. 

Marri Jõggi tunnist essi, et 17 poli täut kedranu selle kanga tarbis, mes 12 nakla kaalnu. Kolm poli särast langa kalis 1  1/4 nakla, selle perra 10 poli 4 nakla nink 17 poli 7 nakla.

Sai mõistetus: kui Marri Jõggi henda tunnistusse perra 12 nakla langa kangas weddi, ent 7 nakla enneki kedranu olli, ent Marri Leppa tunnistusse perra Marri Jõggi enneki 4 nakla kedrani olli ja 8 nakla kangas wetten ilma teedmata mannu tulnu om, päle se weel se lõutu lang Marda Kribi langaga koggoniste kokko sündse ja temma risti päle passe, mesperrast Marri Jõggi ne 8 nakla langa Marda Kribile peap ärramasma. Langa sai Marda Kribi taggasi 3 nakla nink puduwa 5 nakla eest peap Marri Jõggi 1 Rubli 50 kop. Marda Kribile 14 päewa sissen ärra masma.

Selle olliwa mõllemba rahhule.

Ärra mastu.