Johann Lell, Wannast Anzmõisast, kaibas se kohto een, et temma Wastsest Anzmõisast Johann Silma hendale sullases lepnu, tälle 1 R. käerahha andnu, ent nüüd Johan Silm omma walda lepnu nink es tules.
Selle et Johann Lell §355 möda ilma selle koggokonna lubba kirjata hendale tinginu, ja pois Johann Silm wallat wäljaminnemist selle walla wallitsussele sukkuge teeda andnu ei olle nink ka kats kõrd käerahha taggasi paknu, eddimalt enne küündle päiwa ent Johann Lell ei wõtnu, ja tõine kõrd kats näddalit enne Marja päiwa, sis üttelno Johann Lell, minna käerahha taggasi ei wõtta, minna sada sulle katte näddali perrast ennegi perra; nink ei tahha ka Johann Silm Johann Lella mannu minnä nink om omma walda Märt Maritsa mannu lepnu.

Ni kui nätta, om se leppiminne Wana Anzzmõisa perremehhe Johann Lella poolt ilma lubbakirjata, nihäste kui Johann Silma poolt, tõiste walda minnä teeda andmata, sädusse wastulinne, nink sai mõistetus: et sullane Johann Silm omma walda Märt Maritse mannu jääp, nimmelt kos nüüd sullaste pudus om.

Päkohtomees Mango Maritz

Abbikohtomees Jaan Kreewald

        d.                  Johan Perw

        d.                  Jaan Rosenthal