Anz Tikker kaibas se kohto een, et Mango Silwan ütte puu õddangutse tulle päle lasknu, ja ossa temma hobbest ni putnu et hobbene mahha saddanu ja üttest polest pudulises jänu.

And Tunnistajis ülles, kes sääl man olnu: Jaan Urbanik, Karl Timpka nink Isaak Umbler.

Jaan Urbanik tunnist, et temma nännu kui se Mango Silwanist lastu kõiw Anz Tikkeri hobbese päle ladwa ossega saddanu ja hobbese mahha lönu.

Karl Timpka ei nännu kül pälesaddamist, enge tunnist, et Mango Silwan, Isaak Umbler ja Jaak Silman sedda puud, kelle läbbi kahjo sanu, raggonu.

Mango Silwan tunnist essi, et temma se puu tulle päle mahha lasknu, ennegi ei nännu sedda hobbest.

sai mõistetudd: et Mango Silwan, kelle ilmettekaemata läbbi se hobbene pudulises om sanu, sedda kahjo nimodo tassuma peap: Anz Tikkeri hobbeni kohtomeest arwamisse perra arwati 70 Rublit wäärt enne kahjo, ent päle kahjo arwas se kohhus sedda hobbest ennegi 20 Rublit wäärt, sest kahjost 50 Rbl. pol, se om 25 Rbl. Anz Tikkerile masma peap, ja siski, arwap Mango Silwan et se hobbene päle kahjo 20 Rbl. oddaw om arwatu, om Mangol õigus sedda hobbest selle hinna eest kotsilt wõtta ja sis 45 Rbl. Anz Tikkerile massa. Se rahha peap 14 päiwa sissen ärra mastu ollema. Suremban kohtun käimiste sädus sai neile kulutedus.

Päkohtomees Mango Maritz

Abbikohtomees Jaan Kreewald

        d.                  Johan Perw

        d.                  Jaan Rosenthal