Pakla tallo N70, perremees Johann Timpka lepse selle tallo ostja Johann Terrasega eestminneki rahha ülle ni mõdu, et Johann Terras massap Johann Timpkale päle kiki wastastikko nõudmiste, mes nimme na ka kandwa, ärra arwamisse 95 Rbl. puhhast rahha, ni et päle selle massu kummalgi, ei otsjal ei perremehhel, üts tõise käest middage ennamb nõuda ei olle, kui annap rentnikule ostja ennegi ütte aida usse tabba ja üts kattekruutiga kambre akna sis taggasi, kuni ta hendale om assemele murretsenu. Sedda rahha 95 Rublit lubbas Johann Timpka ostja kätte kuni küündle päiwni 1872 jätta, mes eest ostja Johann Terras 5 Rublit odust massa lubbas, üttekokko nimmitedu terminini 100 Rublit. ja sai Johann Terrasele ütteldus, se rahha ennegi se kohto een Johann Timpkale wälja massa. 

Sellega olliwa mõllemba rahhule.

Sel 17 Webruaril 1872 mass Johann Terras se kohto läbbi 95 Rublit Johann Timpka kätte ärra. 5 Rublit odus rahha kaot Johann Timpka to eest ärra et ta olli ilma teedmatta ostjale jo müdu aija puist kolm koormat ärra wiinu.