Kontraht, mes om siin kohto een Jaan Pantaloni wahhel üttelt poolt ja poolnike Karl Lutti ja Karl Pantaloni wahhel tõiselt poolt läbbi kõnneldu ja nimodu tettu kui siin ülles pantu: 

1. Karl Lutti ja Karl Pantalon wõtwa Koljopabo Jaani tallo N73 üttes aastas, se om Jürripäiwast 1871 kunni Jürripäiwani 1872 poleterra päle niwisi, et nemma kik nurme maa kolme nurme maa pruukmisse perra omma jõwwo ja kulluga arriwa, kassiwa, peswa ja puhhastawa, ja eggast sagist päle seemne ärra andmisse, pool puhhast wilja perremehhe andma ja nisammoti pool põhku ja õlge ja haina, mes poolninu teggewa ni häst ka ristikhaina, ennegi leppitu palgi weddamise ajal annap ommanik Rentnikele kummalegi 1 koorma, nellikummend punda suur, ommast polest mannu.

2. Linna ni paljo kui neid tettu arriwa ka kigipiddi poolniku nink sawa selle eest pole puhtist linnost ja lähhap seeme, mes ülle külwi om, poles.

3. Wõtwa Rentniku 20 palki - kattesa ehk üttesa tolli ladwast jämme, ja 4½ süld pik - tullewa talwel säält wälja wetta torelt, kost ostmisse palgi ommanikule andasse.

4. Kik Kronu ja Wallamassu ja tallitusse teggewa rentnik, mes nimme na ka kandwa.

5. Sel süggisel 1870 om rükki külweru kümme wakka, ni wõrra seemend wõtwa rentniku taggasi masma, ja om se süggise 1871 rügga poolnikest kõrraperrast tetta ni paljo kui röa maad om, ennegi seeme mes ülle kümne wakka waja tulep, annap ommanik henda käest.

6. Pallutus puu peawa rentniku hendale kik essi murretsema, ja haggu tarre lämmistamisses.

7. Sel süggisel 1870 külwetu küttise rügga katten paigan ei puttu poolnike, jääp ütsinda ommanikule.

8. Ellajide hoita peap kumbge pool, ommanik kui rentnik, omma karjus.

9. Parrandawa poolniku kik aija ja katwa sel aastal ütte lauda kattusse, mestarbis ommanik õlle annap.

10. Pallutus puid ei olle nemma sanu, ei olle neil ka ärra anda.

11, Lõppetussen ütte sõnnaga, sawa poolniku kigest wiljast, mes nemma essi teggewa, poole.

12. Jaan Pantalon annap Karl Luttile ütte hobbese pruuki Jürripäiwast kunni Mihkel päiwani wijetõistkümmne Rubli eest ja annap haina Jaan hobbesele ni paljo kui täl om.

Nida om se kontraht Wastse Anzmõisa koggokonna kohtu een tettu ja olliwa kik sellega rahhule nink kirjotiwa omma nimme alla ja teiwa risti mannu.

Neu Anzen d. 30 April 1871

Jaan Pantalon [XXX] Karl Lutti [XXX] Karl Pantalon [XXX]

Man olliwa: Mango Maritz, Jaan Kreewald, Johann Perw, Jaan Rosenthal nink Wallawannemb Karl Ruder, kelle kuulden se kohtraht sai ette loetus. 

Päkohtomees Mango Maritz

Abbikohtomees Jaan Kreewald

        d.                  Johan Perw

        d.                  Jaan Rosenthal