Marri Weijermann Kaose tallust kaibas se kohto een, et Jaan Ellen Piiri tallust tedda pea 1½ aastat ikkes kui pruuti hälitsenu nink selle lubbamise alla, teda hendale naises wõtta, temma käest tütriko awwo ehk puhtust ärra petnu lihhalikku seggamisse läbbi, minkast temma henda kül weel haige es tunnes, ennegi kuulda sanu et temma peigmees Jaan Ellen, kes hendale üllehõikamisse tähhe temma, Marri Weijermanniga, selle walla wallitsuse käest sel 25 Junil wõtnu, tedda mahha tahhas jätta, et peigmehhe wannemba selle asjale wasta olles, nink peigmehe Essa Karl Ellen ommale pojale tõise ülleshõikamisse tähhe tütrik Ewa Assoniga sel 16 Julil wõtnu olles. Sedda tahtnu temma iks Jaan Elleni henda käest teeda saija, ei tihhanu sennä ennamb kiki nätten minnä, nink tulno, et temma üttel õddangul ütte wonakest Piiri tallo liggidale piddanu otsam, wõtnu temma ütte mehhe kübbara hendale pähha, häü perrast, et ilm tedda es tunnes nink tedda üttes poisis peas. Kaose tallo piiri omma Piiri tallo piridega ütten koon. Piiri tallo murru päle minnen lännu temma kambre läwwele, kos warjo all Jaan Ellen wankrin magganu, ajanu temma ülles nink kõnnelnu omma nore pari asjust, küssino, kuis to assi siis jääp loetama minnegika Preestre Herra mannu, selle päle üttelnu Jaan: Essa wõt kül tähhe henda kätte ärra ja tahhap minno Ewa Assoniga pari säda, ent minna Ewa Assonit ei tahha, ma nõwwa hendale tähhe kätte nink lähhame tullewa poolpäiwal Preestre Herra ette. Selle pöle lännu temma koddu minnema, üttekõrraga jooksnu Karl Ellen temmale perra ilma sõnna lausmata, haarnu temma kinni, mes man nimmitet Marja temmale üttelnu, ujo oh Essa, kas sa minno sis ei tunne, mes päle Karl Ellen wastutanu: kae, minna tahhan sinno luud murda, nink wõtnu särgi temma säljast ärra. Selle man üttelnu weel Marja: kui sinna Essa, minnoga tahtsed kokko saija, mesperrast sinna sis es tulle wankre mannu, kos minna Janiga kõnneli, üttelnu Karl Ellen, mes minna wankre manno otsam piddi minne, kos sinnol hoitja eesn om.
Karl Ellen tunnist, et temma tütrik Marri Weijermanni särgi ärra om.
Jaan Ellen tunnist, et temma Marri Wiejrmanni armastanu, nink tedda hendale naises wõtta tahtnu, ent ärra salgap, et temmal muud teggemist selle tüttarlatsega ei olnu.
Kui nüüd eggal üttel õigus om kaddunut otsi, nink tõtte om, et Jaan Ellen tedda, Marri Weijermanni, kui hoietu pruuti mahha jätta tahhap, nink Essa Karl Ellen tõise hõikusse tähhe pojale Janile - Ewa Assoniga wälja wõtnu om, es wõi sedda weideke tõisel rõiwil koko samist tüdrikule süüs arwat, selle et täl õigus omma peigmehhega kõnneda olli nink häbbi perrast es tahha henda wõrile tutta anda, sai mõistetus: Karl Ellen peap sedda ärra wõetu särki Marri Weijermannile kätte andma, ent temma poja assi, nimmelt Marri Weijermanniga, keddas temma hendale naises wõtta lubbamisse all ärra petnu olles, Preestre Herra kätte selletada anda.
Marri Weijermann Kaose tallust kaibas se kohto een, et Jaan Ellen Piiri tallust tedda pea 1½ aastat ikkes kui pruuti hälitsenu nink selle lubbamise alla, teda hendale naises wõtta, temma käest tütriko awwo ehk puhtust ärra petnu lihhalikku seggamisse läbbi, minkast temma henda kül weel haige es tunnes, ennegi kuulda sanu et temma peigmees Jaan Ellen, kes hendale üllehõikamisse tähhe temma, Marri Weijermanniga, selle walla wallitsuse käest sel 25 Junil wõtnu, tedda mahha tahhas jätta, et peigmehhe wannemba selle asjale wasta olles, nink peigmehe Essa Karl Ellen ommale pojale tõise ülleshõikamisse tähhe tütrik Ewa Assoniga sel 16 Julil wõtnu olles. Sedda tahtnu temma iks Jaan Elleni henda käest teeda saija, ei tihhanu sennä ennamb kiki nätten minnä, nink tulno, et temma üttel õddangul ütte wonakest Piiri tallo liggidale piddanu otsam, wõtnu temma ütte mehhe kübbara hendale pähha, häü perrast, et ilm tedda es tunnes nink tedda üttes poisis peas. Kaose tallo piiri omma Piiri tallo piridega ütten koon. Piiri tallo murru päle minnen lännu temma kambre läwwele, kos warjo all Jaan Ellen wankrin magganu, ajanu temma ülles nink kõnnelnu omma nore pari asjust, küssino, kuis to assi siis jääp loetama minnegika Preestre Herra mannu, selle päle üttelnu Jaan: Essa wõt kül tähhe henda kätte ärra ja tahhap minno Ewa Assoniga pari säda, ent minna Ewa Assonit ei tahha, ma nõwwa hendale tähhe kätte nink lähhame tullewa poolpäiwal Preestre Herra ette. Selle pöle lännu temma koddu minnema, üttekõrraga jooksnu Karl Ellen temmale perra ilma sõnna lausmata, haarnu temma kinni, mes man nimmitet Marja temmale üttelnu, ujo oh Essa, kas sa minno sis ei tunne, mes päle Karl Ellen wastutanu: kae, minna tahhan sinno luud murda, nink wõtnu särgi temma säljast ärra. Selle man üttelnu weel Marja: kui sinna Essa, minnoga tahtsed kokko saija, mesperrast sinna sis es tulle wankre mannu, kos minna Janiga kõnneli, üttelnu Karl Ellen, mes minna wankre manno otsam piddi minne, kos sinnol hoitja eesn om.
Karl Ellen tunnist, et temma tütrik Marri Weijermanni särgi ärra om.
Jaan Ellen tunnist, et temma Marri Wiejrmanni armastanu, nink tedda hendale naises wõtta tahtnu, ent ärra salgap, et temmal muud teggemist selle tüttarlatsega ei olnu.
Kui nüüd eggal üttel õigus om kaddunut otsi, nink tõtte om, et Jaan Ellen tedda, Marri Weijermanni, kui hoietu pruuti mahha jätta tahhap, nink Essa Karl Ellen tõise hõikusse tähhe pojale Janile - Ewa Assoniga wälja wõtnu om, es wõi sedda weideke tõisel rõiwil koko samist tüdrikule süüs arwat, selle et täl õigus omma peigmehhega kõnneda olli nink häbbi perrast es tahha henda wõrile tutta anda, sai mõistetus: Karl Ellen peap sedda ärra wõetu särki Marri Weijermannile kätte andma, ent temma poja assi, nimmelt Marri Weijermanniga, keddas temma hendale naises wõtta lubbamisse all ärra petnu olles, Preestre Herra kätte selletada anda.
