Wana Koiola kohto maian sel 31 mail 1889

Man olli kohto wannemb Johan Pihho

                   "         mees     Jaan Plak

                   "         mees     Jaan Semm 

                  "          mees     Peter Haidak 

Ette tulli kaddonud Johan Härmsse laste ja neide maja wöörmünder Samuel Härms ja kaibas et Otto Härmitz kes selle waeste laste maja N 140 piiri mes om neide asjus: 

1. Et Otto Härmitz selle waeste laste maja N 140 karja teed 100 sülda pikkuti ja 8 sülda lajote omas tullos ärä küündnu ja linnas tennu et tedda kül selles keeltud ent siski mitte kuulnu. Nõuwa et tee lahti saap ja Otto Harmitz oma woimulisse teo eest et ta küla kaarti karja tee arä om kündnu waeste laega 15 rublaga trahwi. -

2. Et Otto Härmitz sellesama waeste laste maja N 140 piiri olmal kohal ei pea nink nimme melega kos kül lini piir selgeste natta om ütte pikkusse 200 süld ja

1,2 - 3 sülda lajote ülle piiri om kündnu nink ka pääl ollewa motsa omale om prugnu ja oma kronti päält põld kiwwi weel päält selle ülle kunnetud arwo selle waeste laste maja ma päle sonniko, sitta ja lajale widanut. Nouwa selle ülle kunnetud 1/2 wakka ma 10 aasta prugimisse eest 20 rubla waeste laste tullos ja motsa kahjo mes raotud ja kiwwetega purustetu 10 rubla nink et need weetud kiwwit Otto Härmitz oma kronti päle ärä peab wedama ehk oige piiri keskele ärä pandma.

3, Et Otto Härmitz selle waeste laste tallo N 140 ütte kartin ülles woetud erra karja nink Nurme tee mes Otto Harmitze krontist läbbi laap 270 sulda pik ja

6 sulda lai otsani arä om kündnu ja hawwitanu ni et selle läbbi tallo N 140 kattelt poolt Harmitz kronti oma nurme peab käüma ja sonnik widdama nink karjal woimatta päle saada om ja pelege weel ka se ümbre piiraw tee tallo N 140 omast maast wõttma, nouwa et se kartin ollew tee mes Otto Härmitz omale nurmes ärä perrinu, wälja saap antud ja selle 10 aasta prugimise eest mes 2 wakka maad wälja tegge 60 rubla waeste laste tullos massa panda. -

4. Et Otto Härmitz oma ellotusse perran oma maja ärä pallamist küla karja tee päle teggi, nink karja tee kõrwmatse perremehe kronti pitte oigentas ja sega üttest lombist läbbi kost kewwaja ja süggise woimata labbi saada ja tallo N 140 karri säält kakma peab nõuwa et Otto Harmitz selle omale perritud karja tee assemele karja tee sundsamast paigast annab.

5, Et Otto Harmitz oma tallo N 139 ja selle waeste laste tallo N 140 wahel 4 kuppetzat piiri marki ärä om lahknu ja kündnu nouwa et need temma kulu pääl maa mõõtjast paigale saawat pantud ja neide perra piir peetud. - Kige selle päle anab tunnistajas walla wöörmundre Mihkel Plakso ja kohto mees Jaan Semm.

Otsus: Ette käske Orro Härmitz ja ülles antud tunnistaja. -