Ette tulli Laswa mõisast Marri Sõnna nink tõst omma mehe Peter Sõnna päle kaibust, et temma tõise naise Liso Miitraga horuse ello ellawat, mes temma Jakob Nilbe ja Peter Himma käest kuulda ollewat sanu, nink pallel sedda asja kogokonna kohtu man ärra selletada nink süüdlastega säduse perra tallitada.

Peter Sõnna saije selle kaibuse päle ette kutsutus salgas kogonist ärra Liso Miitraga horuse tööt teggewat, nink pallel sedda neil tunnistajil tõttes tetta laske ent kui mitte, sis tühja jutto ajajidega säduse perra tallitada.

Jakob Nilbe küssitu es olle sellest asjast kige wähembat middagi teedwat.

Peter Himma es ütle ka sedda esi mitte näggewat, enge Nilbe ollewat temmale sedda kõnnelnu ja nännu ollewat, et Peter Sõnna Liso Mitraga horanu ollewat ahjo pääl.

Selle päle es ütle kohtun käuja ennamb middagi ütlemist ollewat, sis

Mõisteti

et Peter Himma peap selle tühja jutto wälja laotamise perrast 1 rubl. trahwi ehk 12 tunnis türmi minnema.

Se kohtu otsus saije kohtun käujile kulutedus nink tall. rahw. säduse ramatust 1860 aast. §§ 773, 774 perra ärra selletedus nink § 881 perra opus leht wälja antus.

Päkohtumees Peter Meltz XXX

kohtumees Jakob Eichhorn XXX

      "              Peter Päss XXX

Kirjotj.: J.Kirrop