Martha Lippart kaibas omma haige mehhe Linnerti assemel, et Linnert Lippart ollewat Talwiste pühha perrametsel päiwal Linnert Mõttuse käest temma poja Jani henda manno sullases leppinu, ent nüüd kui Jaan Mõttus tenistuste piddi tullema, ei olle temma Jaan Mõttus, mitte tulnu. Käerahha antus sanu 5 rubla nink palkas leppitu: 40 rubla selget rahha. 

Linnert Mõttus kostis, et temma sel kõrral täwweste jobunu om olnu, nink sellest leppingust middake ei tija. 

Tunnistaja Märt Tedder andse nidate tunnistust: "Minna olli Talwiste pühha perrametsel päiwal kül Pisso kõrtsin, nink leppis sääl Linnert Lippart Linnert Mõttuse käest temma poja Jani henda manno sullases. Käerahha andse Lippart Mõttusele 5 rubla nink palk olli leppitu 40 Rbl. selget rahha. Sel kõrral kui Linnert Mõttus käerahha wõtse, es olle temma mitte jobunu."

Tunnistaja selles 26. Mais tallitada: Hans Möldre, Peter Puk, Linnert Raggul ja Johann Kallion. 

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Juk Hansi XXX

  "  Andrus Püwwi XXX