Ette tulli Laswa kõrtsi mees Peter Anderson nink tõst Jaan Hirwe päle kaibust, et se om kogonist ilm asjanda temma kitse öse kinni wõtnu nink ärra tapnu, kelle eest temma nüüd 7 Rbl. kahjo tassomist nõwwap; selle ülle woiwat ka weel Ann Bärson, Trino Meltz, Jaan Eiche, Tanno Palloweer ja Pindist Johann Plado.
Jaan Hirw saije selle kaibuse päle ette kutsutus salgas kogonist ärra, sedda kitse mitte ärra tapwat, ei ka sellest asjast kige wähembat middagi teedwat.
Ann Bärson ette kutsutu ütel ette temma kül nännu kui kats meest teed pitte lännu, ent kes ne olnu, sedda es ütle temma mitte teedwat, ei ka kitse näidega ütten nägewat.
Trino Meltz Pindi wallast ette kutsutu, ütel kül narrmise häält kuulwat kui üts hõiganu, et kos temma sedda piddinu nüüd pandma.
Jaan Eiche es ütle sellest asjast kige wähEmbat middagi teedwat, kui nännu ennegi et 2 meest Laswa kõrtsist Pindi poolt tullen möda lännu Wõrro pole kedda temma mitte öse es ütle tundwat.
Tanno Palloweer and ka sedda samma tunnistust, kes Eichega ütten olnu.
Johann Plado Pindi wallast ette tulnu and tunnistust, et temma tulnu Laswa mõisast ja sanu mattusse aija kottale kon 2 meest saisnu ja üts neist tedda hirmotama nakkanu, ent kes ne olnu, sedda es ütle temma mitte teedwat.
Peter Pütt and tunnistust et Jaan Hirw om öse koddo tulnu ja temma käest nöri küssinu, nink selle päle esi sae päält nöri ärra wõtnu ja wälja lännu.
Jaan Hirwele saiwa eensaiswa tunnistaja ette loetus salgas iks eddesi sedda kitse mitte tapwat ei ka sellest asjast middagi teedwat.
Selle päle es ütle kohtun käuja enamb middagi ütlemist ollewat, sis
Mõisteti
et selle kitse tapmise ülle ütteke selget tunnistust es olle sis es woi ka Peter Anderson selle kahjo tassomises middagi mõista.
Se kohtu otsus saije kohtun käujile kulutedus nink tall. rahw. säduse ramt. 1860 aast. §§ 773, 774 perra ärra selletedus nink § 881 opus leht wälja antus.
Päkohtumees P Meltz [allkiri]
kohtumees Jakob Eichhorn XXX
" Peter Päss XXX
Kirjotj.: J.Kirrop
Ette tulli Laswa kõrtsi mees Peter Anderson nink tõst Jaan Hirwe päle kaibust, et se om kogonist ilm asjanda temma kitse öse kinni wõtnu nink ärra tapnu, kelle eest temma nüüd 7 Rbl. kahjo tassomist nõwwap; selle ülle woiwat ka weel Ann Bärson, Trino Meltz, Jaan Eiche, Tanno Palloweer ja Pindist Johann Plado.
Jaan Hirw saije selle kaibuse päle ette kutsutus salgas kogonist ärra, sedda kitse mitte ärra tapwat, ei ka sellest asjast kige wähembat middagi teedwat.
Ann Bärson ette kutsutu ütel ette temma kül nännu kui kats meest teed pitte lännu, ent kes ne olnu, sedda es ütle temma mitte teedwat, ei ka kitse näidega ütten nägewat.
Trino Meltz Pindi wallast ette kutsutu, ütel kül narrmise häält kuulwat kui üts hõiganu, et kos temma sedda piddinu nüüd pandma.
Jaan Eiche es ütle sellest asjast kige wähEmbat middagi teedwat, kui nännu ennegi et 2 meest Laswa kõrtsist Pindi poolt tullen möda lännu Wõrro pole kedda temma mitte öse es ütle tundwat.
Tanno Palloweer and ka sedda samma tunnistust, kes Eichega ütten olnu.
Johann Plado Pindi wallast ette tulnu and tunnistust, et temma tulnu Laswa mõisast ja sanu mattusse aija kottale kon 2 meest saisnu ja üts neist tedda hirmotama nakkanu, ent kes ne olnu, sedda es ütle temma mitte teedwat.
Peter Pütt and tunnistust et Jaan Hirw om öse koddo tulnu ja temma käest nöri küssinu, nink selle päle esi sae päält nöri ärra wõtnu ja wälja lännu.
Jaan Hirwele saiwa eensaiswa tunnistaja ette loetus salgas iks eddesi sedda kitse mitte tapwat ei ka sellest asjast middagi teedwat.
Selle päle es ütle kohtun käuja enamb middagi ütlemist ollewat, sis
Mõisteti
et selle kitse tapmise ülle ütteke selget tunnistust es olle sis es woi ka Peter Anderson selle kahjo tassomises middagi mõista.
Se kohtu otsus saije kohtun käujile kulutedus nink tall. rahw. säduse ramt. 1860 aast. §§ 773, 774 perra ärra selletedus nink § 881 opus leht wälja antus.
Päkohtumees P Meltz [allkiri]
kohtumees Jakob Eichhorn XXX
" Peter Päss XXX
Kirjotj.: J.Kirrop
