Ette tuli Wanna Koijola mees Jaan Tobrelutz nink tõst siin wallan ollewa ärra koolnu Thomas Laasi perrandajide päle kaibust, et se kaddona Thomas Laas om jobba 6 aasta eest temma käest 2 mõtu linna semend wälja wõtnu wärt 4 rubl. ja üts wankri osa ratta kõddarit wärt 120 Cop. henda kätte wankris walmis tetta wõtnu, ent seni ajani neid mitte sanu ei olle, kelle ülle ka Jaan Luks Wannast Koijolast tunnistada woiwat, nink pallel nüüd temma perra jänu warrandusest sedda sisse nõuda laske.

Jaan Loks Wannast Koijolast saije sisse kutsutus and tunnistust, et minewa sügguse Wõrro ladul om Jaan Tobrelutz weel Thomas Laasiga koon olnu, ja sesamma pallelnu neide linna semendega kannatada, ent wankri kõddarist lubbanu temma sel kõrral wankri ärra tetta, ja ei olle sedda enne surma mitte ärra täutnu.

Et kaddona Thomas Lasi perrandaja täämba siin es olle, sis es woi selle asja ülle weel middagi mõista, nink saiwa sel 20 Webruaril ette kutsutus.

Päkohtumees P.Meltz [allkiri]

kohtumees Jakob Eichhorn XXX

       "            Peter Päss XXX

Kirjotj.: J.Kirrop